पालघर : शुक्रवारपासून देशभरात दिवाळीला सुरुवात झाली आहे.त्यामुळे अनेक लोक दिवाळीसाठी आपल्या घराकडे जाताना दिसत आहेत. परिणामी रस्त्यांवर मोठ्या प्रमाणात वर्दळ दिसत आहे. त्यामुळे अपघातदेखील वाढताना दिसत आहेत. असाच एक अपघात कासा डहाणू राज्यमार्गावरील वधना येथे घडला आहे. यामध्ये एकाचा जागीच मृत्यू झाला तर सहाजण गंभीर जखमी झाले आहेत. ऐन सणासुदीत ही घटना घडल्याने सगळीकडे हळहळ व्यक्त केली जात आहे.
कसा घडला अपघात?
कासा डहाणू राज्यमार्गावरील वधना येथे दुपारच्या सुमारास खाजगी प्रवासी वाहतूक करणाऱ्या मॅजिक आणि पीकअप वाहनात समोरासमोर धडक झाल्याने भीषण अपघात झाला. या अपघातात एकाचा जागीच मृत्यू तर सहाजण जखमी झाल्याची प्राथमिक माहिती समोर आली आहे. दोन्ही भरधाव वाहनांवरील चालकांचा ताबा सुटल्यामुळे हा अपघात झाला आहे.
या अपघातात दोन्ही वाहनांचा पूर्णपणे चक्काचूर झाला आहे. या भीषण अपघातात एकाचा जागीच मृत्यू झाला असून जखमी झालेल्या सहा ते सात जणांवर कासा उपजिल्हा रुग्णालय तसच डहाणू ग्रामीण रुग्णालयात उपचार सुरू आहेत.दोन्ही खाजगी वाहनांमध्ये प्रवास करणारे प्रवासी हे मजूर असून ते दिवाळीनिमित्त घरी परतत असताना हा अपघात झाला आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.