नागपूर : केंद्रीय मंत्री नितीन गडकरी (Nitin Gadkari) यांना काही दिवसांपूर्वी धमकी देण्यात आली होती. या धमकी (Threat) प्रकरणी तपास करण्यासाठी NIA चे पथक नागपुरात दाखल झाले आहे. केंद्रीय मंत्री नितीन गडकरी यांना धमकी देण्यात आल्याने राजकीय वर्तुळात मोठी खळबळ उडाली होती. नितीन गडकरी यांना एकदा नव्हे तर दोनदा धमकी देण्यात आली होती.
नितीन गडकरी यांना त्यांच्या नागपूरमधील (Nagpur) कार्यालयात पहिला धमकीचा फोन आला होता. जयेश पुजारी (Jayesh Pujari) नावाच्या व्यक्तीने हा कॉल केला होता. त्यावेळी त्याने 100 कोटी रुपयांची खंडणी (Extortion) मागितली होती. यानंतर 21 मार्च रोजी दुसऱ्यांदा नितीन गडकरी यांना धमकीचा फोन आला. यावेळी फोनवरून 10 कोटी रुपयांची खंडणीची मागणी करण्यात आली होती.
