सांगली : राजकीय वर्तुळातून एक धक्कादायक बातमी समोर आली आहे. यामध्ये शनिवारी रात्री राष्ट्रवादीच्या (NCP) कार्यकर्त्यांची गोळ्या झाडून हत्या (Murder) केली आहे. नालसाब मुल्ला (Nalsab Mulla) असे हत्या करण्यात आलेल्या आरोपीचे नाव आहे. त्याच्यावर एकूण 8 गोळ्या झाडण्यात आल्या. या घटनेमुळे सांगली शहर हादरलं आहे.
राष्ट्रवादीच्या फक्त त्याच लोकांना विधानसभेचे तिकीट मिळणार; अजित पवारांचे मोठे वक्तव्य
काय घडले नेमके?
नालसाब मुल्ला (Nalsab Mulla) हे राष्ट्रवादीचे सक्रिय कार्यकर्ते आहेत. मात्र, मुल्ला (Nalsab Mulla) यांची पार्श्वभूमी गुन्हेगारी स्वरूपाची होती. त्यांच्या विरोधात अनेक गंभीर गुन्हे दाखल करण्यात आले होते. परंतु, मागच्या काही वर्षांपासून ते सामाजिक कार्यात सक्रिय झाले होते. शनिवारी रात्रीच्या सुमारास नालसाब मुल्ला हे आपल्या घराबाहेर बसले होते. यादरम्यान अज्ञात दोघा हल्लेखोरांनी मुल्ला यांना शिवीगाळ करत त्यांच्यावर हल्ला केला. या हल्ल्यात नालसाब मुल्ला हे गंभीर जखमी झाले.
धुळे हादरलं ! राजकीय वादातून कार्यकर्त्याची निर्घृणपणे हत्या
यानंतर त्यांना तातडीने सांगलीच्या शासकीय रुग्णालयात उपचारासाठी दाखल करण्यात आले होते. मात्र, उपचारादरम्यान त्यांचा मृत्यू झाला. या घटनेमुळे मुल्ला (Nalsab Mulla) यांच्या घराबाहेर मोठा पोलीस बंदोबस्त तैनात करण्यात आला आहे. ही हत्या नेमकी कोणत्या कारणामुळे करण्यात आली हे मात्र अद्याप समजू शकलेले नाही. याबाबत घटनेची माहिती मिळताच, सांगली पोलीस (Sangli Police) अधीक्षक बसवराज तेली (IPS Basavaraj Teli) यांच्यासह पोलीस अधिकारी घटनास्थळी दाखल झाले आहेत. सांगली पोलीस या प्रकरणाचा पुढील तपास करत आहेत.