नांदेड : नांदेडमध्ये प्रेमप्रकरणातून हत्या (Nanded Crime News) केल्याची एक धक्कादायक घटना उघडकीस आली आहे. यामध्ये प्रेमप्रकरणाच्या वादातून भावोजीने मेव्हणीच्या प्रियकराची हत्या (Nanded Crime News) केली आहे. रविवारी रात्री 11 वाजण्याच्या सुमारास ही घटना घडली आहे. किरण माने असे हत्या करण्यात आलेल्या तरुणाचे नाव आहे. तर शिवा माने असे आरोपी व्यक्तीचे नाव आहे. ही हत्या केल्यानंतर आरोपी घटनास्थवरून फरार झाला आहे. या हत्येप्रकरणी इतवारा पोलीस ठाण्यात गुन्हा दाखल करण्यात आला आहे. या प्रकरणी पोलिसांनी चार आरोपींना ताब्यात घेतले आहे. मेहुणीच्या प्रेमसंबंधातून भावोजीने ही हत्या केल्याने कुटुंबियांना मोठा धक्का बसला आहे.
काय घडले नेमके?
मृत किरण मानेचे शिवा मानेच्या मेहुणीशी प्रेमसंबंध सुरु होते. या प्रेम संबंधाला शिवाचा विरोध होता. शिवा वारंवार हे संबंध संपवण्यासाठी किरणला सांगत होता. या कारणातून अनेकदा किरण माने आणि शिवा माने यांच्यात वाददेखील झाला होता. मात्र किरण प्रेमसंबंध तोडायला तयार नव्हता. यामुळे आरोपी शिवाने मित्रांच्या मदतीने किरणचा अडसर दूर करण्याचे ठरवले.
Suicide News : ‘ही’ दोस्ती तुटायची म्हणत 2 जिवलग मित्रांची ट्रेनसमोर उडी घेत आत्महत्या
किरण मानेचा जागीच मृत्यू
ठरलेल्या योजनेप्रमाणे मुख्य आरोपी शिवा माने, सुभाष माने आणि अन्य आरोपींनी काल रात्री 11 वाजण्याच्या सुमारास किरण मानेला गाठत त्याच्यावर धारदार शस्त्राने हल्ला केला. या हल्ल्यात (Nanded Crime News) किरण मानेचा जागीच मृत्यू झाला. या घटनेची माहिती मिळताच पोलिसांनी घटनास्थळी धाव घेऊन मृतदेह शवविच्छेदनासाठी रुग्णालयात पाठवून पुढील तपासाला सुरुवात केली आहे.