नागपूर : नागपूरमधून (Nagpur News) एक मन हेलावून टाकणारी घटना समोर आली आहे. नागपूरच्या सदर पोलिस ठाण्यांतर्गत व्हीसीए स्टेडियमजवळ भीषण दुर्घटना घडली आहे. यामध्ये गॅस फुग्याच्या सिलिंडरचा ब्लास्ट होऊन एका चिमुकल्याचा दुर्दैवी मृत्यू झाला आहे. तर दोनजण गंभीर जखमी झाले आहेत. जखमींना उपचारासाठी मेयो रुग्णालयात दाखल करण्यात आले आहे. शिझान आसिफ शेख (3.5 वर्षे, रा. न्यू मानकापूर) असे मृत चिमुकल्याचे नाव आहे. अनमत आसिफ शेख (वय 24) आणि फारिया हबीब शेख (वय 28) अशी अपघातात जखमी झालेल्यांची नावे आहेत.
काय घडले नेमके?
मृत चिमुकला आपल्या पालकांसह सदर परिसरात खरेदीसाठी गेला होता. नाताळच्या निमित्ताने हा चिमुकला आपल्या कुटुंबासह फिरत असताना सदर येथील व्हीसीए स्टेडियमच्या परिसरात पोहोचला. दरम्यान, गॅसचा फुगा विकत असलेली व्यक्ती चर्चसमोर उभी होती. यादरम्यान, अचानक सिलिंडरचा स्फोट झाला. स्फोट होताच सिलिंडर हवेत उंच उडून मुलाच्या डोक्यावर पडला. या अपघातात मुलाचा जागीच मृत्यू झाला. तर 2 जण गंभीर जखमी झाले.
अपघातानंतर परिसरात एकच खळबळ उडाली. या भीषण दुर्घटनेनंतर आरोपी फुगे विक्रेता घटनास्थळावरून फरार झाला. या घटनेची माहिती मिळताच पोलिसांनी तातडीने घटनास्थळी धाव घेतली. पोलिसांनी आरोपी फुगे विक्रेता विरूद्ध गुन्हा दाखल करून पुढील तपासाला सुरुवात केली आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Pune Video : पुण्यात भटक्या कुत्र्यांचा चिमुकल्यावर हल्ला; CCTV आले समोर
Tanaji Sawant Car Accident : कोल्हापुरात आरोग्य मंत्री तानाजी सावंतांच्या ताफ्याचा अपघात
Sunil Kedar : सुनील केदार यांची आमदारकी रद्द; काँग्रेसला मोठा धक्का
Terrorist Attack : दहशतवाद्यांकडून भ्याड हल्ला ! नमाज अदा करत असताना निवृत्त पोलीस अधिकाऱ्याची हत्या
WFI : केंद्र सरकारकडून भारतीय कुस्ती संघाचे निलंबन
Ajay Devgan : ‘सिंघम 3’ च्या सेटवर अजय देवगणचा अपघात; दुखापतीमुळं चित्रपटाचं शूटिंग कॅन्सल
Accident News : भीषण अपघात ! रिक्षाला पाठीमागून भरधाव कारने धडक दिल्याने तरुणीचा दुर्दैवी मृत्यू