नागपूर : राज्यात अपघाताचे सत्र सध्या सुरूच आहे. नागपूरमध्ये (Nagpur News) देवदर्शन घेऊन घरी परतत असताना एका कुटुंबावर काळाने घाला घातला आहे. या अपघातात (Nagpur News) दोघांचा दुर्दैवी मृत्यू झाला आहे तर 7 जण जखमी झाले आहेत. रामटेकगड येथून देवदर्शन आणि पर्यटन करून भंडाराऱ्याकडे जात असताना हा अपघात झाला आहे. यामध्ये भरधाव कारने उभ्या असलेल्या ट्रकला मागून धडक दिल्यामुळे हा अपघात झाला आहे.
Satara News : जेवणानंतर आयुर्वेदिक काढा घेतल्याने 15 मिनिटांच्या अंतराने बापलेकांचा दुर्दैवी मृत्यू
जखमींमध्ये तीन लहान मुलांचा समावेश आहे. हा अपघात एवढा भयंकर होता की कारच्या एका बाजूला पूर्ण चुराडा झाला आहे. भंडारा जिल्ह्यातील रहिवासी राजेश भेंडारकर आपल्या कुटुंबातील काही सदस्यांसह नागपूर जिल्ह्यातील रामटेक या ठिकाणी दर्शनासाठी आले होते. रामटेक गडमंदिर येथे दर्शन करून ते आपल्या गावी परतत असताना रामटेक-भंडारा मार्गावर आरोली खंडाळा गावाजवळ भरधाव कार उभ्या असलेल्या ट्रकला धडकली आणि हा अपघात झाला.
Weight loss : ‘हेल्दी अँड फिट’ बॉडी मिळवण्यासाठी ‘ही’ योगासने नक्की ट्राय करा
हा अपघात (Nagpur News) एवढा भीषण होता कि, समोरच्या सीटवर बसलेला चालक आणि महिला जखमी अवस्थेत कारमध्ये अडकून पडले होते. अपघाताची माहिती मिळताच पोलीस आणि स्थानिक लोक घटनास्थळी दाखल झाले आणि त्यांनी सर्व जखमींना उपचारासाठी रामटेकच्या शासकीय रुग्णालयात दाखल केले. याठिकाणी परसराम भेंडारकर यांचा उपचारादरम्यान मृत्यू झाला आहे. तर उर्वरित जखमींना नागपूर या ठिकाणी दाखल करण्यात आले आहे.