ठाणे : ठाण्यामधून एक धक्कादायक घटना समोर आली आहे. मुंब्रातील चांदनगर परिसरात गॅस सिलेंडरचा भीषण स्फोट (Gas Cylinder Blast) झाला आहे. मुघल पार्क या इमारतीच्या ए विंगमध्ये एका भंगाराच्या दुकानामध्ये गॅस सिलेंडर लिकेज झाल्याने हा भीषण स्फोट झाला आहे. या स्फोटात महिलेसह तीन जण गंभीर जखमी झाले आहेत. या दुर्घटनेतील जखमींना तातडीने रुग्णालयात दाखल करण्यात आले आहे. हा स्फोट इतका भीषण होता की, आजूबाजूच्या तीन घरांचे देखील नुकसान झाले आहे.
शनिवारी सकाळी सहा वाजून पाच मिनिटांनी मुंब्रा येथील चांदनगर येथे गॅस सिलेंडरचा स्फोट झाला. गॅस लिकेज झाल्याने भडका उडाल्यामुळे तीन व्यक्तींना किरकोळ दुखापत झाली आहे. त्यांना एका खाजगी रुग्णालयामध्ये प्राथमिक उपचारासाठी दाखल करण्यात आले आहे. या स्फोटामध्ये एक रिक्षा आणि एका चारचाकी वाहनाचे नुकसान झाले आहे.
या घटनेची माहिती मिळताच घटनास्थळी आपत्ती व्यवस्थापन अधिकारी व आपत्ती व्यवस्थापन कक्षाचे कर्मचारी, पीकअप वाहनासह, अग्निशमन दलाचे जवान, फायर वाहनासह तसेच टोरंट पॉवर कंपनीचे कर्मचारी तातडीने दाखल झाले. स्थानिक पोलीस या दुर्घटनेचा पुढील तपास करत आहेत.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Hingoli News : हिंगोली हळहळलं ! नवरा-बायकोचा वाद चिमुकल्यांच्या जीवावर बेतला
Shrirampur News : एजंटकडून सही दिली नाही म्हणून RTO कर्मचाऱ्यावर जीवघेणा हल्ला
Mumbai Airport : खळबळजनक ! मुंबई आंतरराष्ट्रीय विमानतळ बॉम्बने उडवण्याची धमकी