सातारा : सातारा (Satara) जिल्ह्यात एक मन हेलावून टाकणारी घटना घडली आहे. यामध्ये मेहुल सुरेश मर्ढेकर (वय 26, रा. ओझरे) (Mehul Suresh Mardekar) याला अपघातात (Accident) जीव गमवावा लागला आहे. मेहुल हा सातारा-मेढा रस्त्यावर रात्री दहाच्या सुमारास जेवण करून शतपावली करत असताना हा अपघात झाला. सातारहून आलेल्या भरधाव कारने त्याला धडक दिली. ही धडक एवढी भीषण होती कि, मेहुलचा जागीच मृत्यू झाला. या अपघाताप्रकरणी मेढा पोलीस ठाण्यात (Medha Police Station) गुन्हा (Crime) दाखल करण्यात आला आहे. मेहुल हा मुंबईत एका खाजगी कंपनीत नोकरी करत होता. सध्या घरात त्याच्या लग्नाची बोलणी सुरु असल्यामुळे तो पाच दिवसांची सुट्टी घेऊन गावी आला होता.
काय घडले नेमके?
ओझरे येथील 26 वर्षीय युवक मेहुल सुरेश मर्ढेकर हा रात्री जेवण करून दहाच्या सुमारास सातारा-मेढा रस्त्यावर शतपावली करत होता. तो रस्त्याच्या डाव्या बाजूने चालत होता. गवळीच्या ओढ्याजवळ सातारा बाजूकडून स्विफ्ट डिझायर (MH 11 BV 9373) या भरधाव कारने मेहुलला जोराची धडक दिली.ही धडक एवढी भीषण होती कि, मेहुलचा जागीच मृत्यू झाला.
या अपघातानंतर ग्रामस्थांनी त्याला उपचारासाठी मेढा येथील ग्रामीण रुग्णालयात दाखल केले. त्यानंतर त्याला पुढील उपचारासाठी सातारा सिव्हिल रुग्णालयात पाठवले, मात्र तोपर्यंत खूप उशीर झाला होता. डॉक्टरांनी त्या ठिकाणी तपासून त्याला मृत घोषित केले. मेढा पोलिसांनी या प्रकरणी कार चालकावर गुन्हा दाखल केला आहे. मेहुलच्या अपघाती निधनामुळे मर्ढेकर कुटुंबियांवर मोठा दुःखाचा डोंगर कोसळला आहे.