पुणे : आजही काही ठिकाणी लोक अंधश्रद्ध (Money Rain Pune) पाळताना दिसतात. अशीच एक घटना पुण्यातील हडपसर येथील ससाणेनगर या ठिकाणी घडली आहे. यामध्ये आरोपींनी एका व्यावसायिकाला जादूटोण्याच्या बहाणा करून 18 लाख रुपयांचा चुना लावला आहे. 18 लाख रुपये दिल्यास 5 कोटी रुपये मिळतील असे आरोपींकडून सांगण्यात आले आणि याच आमिषाला व्यावसायिक बळी पडला आणि स्वतःची फसवणूक करून घेतली.
काय आहे संपूर्ण प्रकरण?
विनोद छोटेलाल परदेशी ( वय 43) व्यायसाय प्लास्टिक मोल्डिंग व कन्स्ट्रक्शन, रा. रामनगर हडपसर असे फसवणूक करण्यात आलेल्या व्यावसायिकाचे नाव आहे. काल दि. 3 डिसेंबर रोजी रात्री 8.30 च्या सुमारास विशाल बिनावत यांचे घरी युनिवर्सल शाळेशेजारी ससाणेनगर हडपसर येथे मांत्रिकाकडून पैशांचा पाऊस पाडण्यासाठी पूजा ठेवण्यात आली होती. फिर्यादी विनोद परदेशी यांच्यासाठी पूजेचे आयोजन करण्यात आले होते. यावेळी विधिवत पूजा संपन्न झाल्यास पैशांचा पाऊस पडणार असल्याचे फिर्यादी यांना भासविण्यात आले होते. पूजा करण्यासाठी 18 लाख रुपयाने भरलेली बॅग मागविण्यात आली होती.पूजा सुरु असतानाच आरोपी पैशाची भरलेली बॅग घेऊन फरार झाले.
पूजेत मग्न असणाऱ्या परदेशी यांना थोड्या वेळात आपली फसवणूक झाल्याचे लक्षात आले. यावेळी त्यांनी हडपसर पोलीस ठाण्यात धाव घेऊन आरोपींविरोधात तक्रार दाखल केली. या घटनेची माहिती मिळताच पोलीस ठाणे वपोनि रवींद्र शेळके, उपनि अविनाश शिंदे या घटनास्थळी धाव घेऊन घटनास्थळाची पाहणी केली. या प्रकरणी आरोपींवर गुरन 1829/2023 भादंवि कलम 420, 406, 34 अंतर्गत गुन्हा दाखल करण्यात आला आहे. सपोनि विजयकुमार शिंदे या प्रकरणाचा अधिक तपास करत आहेत.
गुन्हा दाखल झालेल्या आरोपींची नावे
1. मांत्रिक बाबा आयरा शाब, रा. बदलापूर ठाणे,
2. माधुरी मोरे
3. रॉकी वैद्य
4. किशोर पांडागळे रा. एनडीए रोड उत्तमनगर
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Pune Accident : आळंदीला जाणाऱ्या पालखीत कंटेनर घुसून भीषण अपघात
Mumbai Fire News : मुंबईत गिरगावमध्ये भीषण आग; 2 जणांचा मृत्यू
Maharashtra Politics : निवडणुकीचा निकाल 4 राज्यांचा ! धक्का मात्र ठाकरे गटाला