मुंबई : PUBG या खेळाने अनेक लोकांना अक्षरशः वेड लावले (Crime News) आहे. या खेळामुळे कित्येक लोकांचे मानसिक संतुलन बिघडले आहे. याच खेळाच्या बाबतीत एक धक्कादायक घटना समोर आली आहे. यामध्ये PUBG च्या नादात एका तरुणाने आपल्याच आई – वडीलांची हत्या केली आहे.
काय आहे नेमके प्रकरण?
ही घटना उत्तर प्रदेशातील झाशी येथील आहे. येथे एका व्यक्तीने आई-वडिलांना बेदम मारहाण केली आहे. हा तरुण PUBG खूप खेळत असे त्यामुळे त्याचे मानसिक संतुलन बिघडले. ज्यामुळे त्याने हा सगळा प्रकार केला. पोलिसांना या घटनेची माहिती मिळताच त्यांनी आरोपी तरुणाला अटक केली आहे. दूधवाला जेव्हा आरोपीच्या घरी पोहोचला तेव्हा हे हत्या प्रकरण उघडकीस आले. दूधवाल्याने घरात डोकावून पाहिले असता घरमालक आणि त्याची पत्नी रक्ताच्या थारोळ्यात पडलेल्या अवस्थेत दिसल्याने त्याला धक्काच बसला. यानंतर पोलीस घटनास्थळी पोहोचले.
अंकित असे आरोपी मुलाचे नाव असून त्याने आपल्या हत्येची कबुली दिली आहे. पोलिसांनी दोन्ही मृतदेह ताब्यात घेऊन पोस्टमार्टमसाठी पाठवले आहेत. लक्ष्मी प्रसाद (व्यवसायाने सरकारी शिक्षिका) आणि विमला अशी मृतांची नावे आहेत. पोलिस जेव्हा घरी पोहोचले तेव्हा लक्ष्मी प्रसाद आणि विमला दोघेही गंभीर जखमी झाले होते, मात्र लक्ष्मी प्रसाद यांचा रुग्णालयात नेत असताना मृत्यू झाला आणि उपचारादरम्यान विमला यांचाही मृत्यू झाला. या घटनेमुळे सगळ्यांना मोठा धक्का बसला आहे.