जळगाव : जळगावमध्ये (Jalgaon News) एक धक्कादायक घटना घडली आहे. यामध्ये (Jalgaon News) एका तरुणाने गावातील स्मशानभूमीत शर्टाच्या सहाय्याने गळफास घेवून आत्महत्या केली आहे. ही घटना गुरुवारी संध्याकाळी 7 वाजताच्या दरम्यान घडली आहे. संजय हरी पाटील (वय 32, रा. शिरसोली प्र. बो. ता.जळगाव) असे मृत तरुणाचे नाव आहे. ते घटनेच्या दिवशी शिर्डीला जात असल्याचे सांगून घराबाहेर पडले होते. मात्र, अचानक त्याने आपला रस्ता बदलला आणि थेट स्मशानभूमीत जाऊन साडीच्या सहाय्याने गळफास घेऊन आत्महत्या केली. या प्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली आहे.
Satara Accident : महाबळेश्वरला फिरायला गेले असताना दोन जिवलग मित्रांचा दुर्दैवी मृत्यू
गावातील गोलू पवार हे स्मशानभूमी परिसरातून जात असताना त्याच्या लक्षात ही बाब आली, त्यांनी तत्काळ घटनेची माहिती गावातील पोलिस पाटील शरद पाटील, श्रीकृष्ण बारी यांना कळविली. यानंतर या प्रकरणाची माहिती एमआयडीसी पोलिसांना देण्यात आली. यानंतर त्यांनी घटनास्थळी धाव घेऊन नागरिकांच्या मदतीने संजय पाटील याला खाली उतरवून जिल्हा रुग्णालयात हलविले. याठिकाणी वैद्यकीय अधिकाऱ्यांनी त्याला मृत घोषित केले.
संजय पाटील याच्या पश्चात आई, वडील, पत्नी, एक मुलगा, एक मुलगी, तीन भाऊ असा परिवार आहे. शिर्डीला जात असल्याचे सांगून घराबाहेर पडलेला संजय पाटील याच्या मृत्यूची बातमी मिळाल्याने त्याच्या कुटुंबियांना मोठा धक्का बसला आहे. या घटनेमुळे (Jalgaon News) सगळीकडे हळहळ व्यक्त केली जात आहे. याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली असून पोलीस हेडकॉन्स्टेबल सचिन मुंडे हे या प्रकरणाचा पुढील तपास करत आहेत.
