दुबई : वृत्तसंस्था – महादेव ऑनलाईन सट्टेबाजी अ‍ॅपचा (Mahadev Book App) सहसंस्थापक रवि उप्पल याला यूएईमधून अटक करण्यात आली आहे. तेथील तपास यंत्रणांनी त्याला ताब्यात घेतले आहे. रवि उप्पल हा भारतात मोस्ट वांटेड आहे आणि त्याच्या विरोधात रेड कॉर्नर नोटिस जारी करण्यात आली होती. भारतीय तपास यंत्रणा या यूएईमधील अधिकाऱ्यांच्या संपर्कात आहेत.रवि हा महादेव अ‍ॅप प्रकरणात ईडीने मुख्य आरोपी सौरभ चंद्राकर याचा सहयोगी आहे.
सौरभ चंद्राकर आणि रवी उप्पल हे या कंपनीचे प्रमोटर्स असून, ही कंपनी कथितरीत्या क्रिकेट, टेनिस, बॅडमिंटन, पोकर आणि कार्ड गेमसहित अनेक लाइव्ह गेम्समध्ये कथित अवैध सट्टेबाजीसाठी ऑनलाइन प्लॅटफॉर्म पुरवते. ही कंपनी गेल्या चार वर्षांपासून सुरू आहे. कंपनीचे प्रवर्तक छत्तीसगडमधल्या भिलाई इथले आहेत.
महादेव ऑनलाइन बुक सट्टेबाजी अ‍ॅप्लिकेशन हे एक प्रमुख सिंडिकेट असून, ते अवैध सट्टेबाजी करणाऱ्या वेबसाइट्सना सक्षम करण्यासाठी ऑनलाइन प्लॅटफॉर्म्सची व्यवस्था करतं. भारतात या महादेव बुक अ‍ॅपवर बंदी घालण्यात आली आहे. पण हे इतर देशांमध्ये सुरू आहे. सौरभ चंद्राकर आणि रवी उप्पल या दोघांविरुद्ध लूक आऊट परिपत्रक जारी करण्यात आले होते.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Pune News : नसते धाडस आले अंगलट ! कुंडात उतरलेल्या तरुणाचा दुर्दैवी मृत्यू
Santosh Bhaichand Chordia : एकपात्री हास्य कलाकार युवा साथी संतोष भाईचंद चोरडीया यांचे निधन
