जळगाव : जळगावमधून (Jalgaon News) एक मन हेलावून टाकणारी घटना समोर आली आहे. यामध्ये जामनेर तालुक्यात देऊळगाव गुजरी इथं पत्नीसह 9 महिन्यांच्या मुलीची पतीने हत्या केल्याने जिल्ह्यात खळबळ उडाली आहे. एवढेच नाहीतर पत्नी आणि मुलीच्या हत्येनंतर पतीनेसुद्धा गळफास घेत आत्महत्या केली. पत्नीची तिच्या माहेरी हत्या केल्यानंतर बुलढाण्यात दुधलगाव इथं जाऊन पतीने स्वत:ला संपवलं. ही घटना कौटुंबिक वादातून घडल्याचा प्राथमिक अंदाज पोलिसांनी व्यक्त केला आहे.
काय आहे नेमके प्रकरण?
विशाल झनके व प्रतिभा झनके असे मृत पती – पत्नीचे नाव आहे. जळगाव जिल्ह्यातील जामनेर तालुक्यातल्या देऊळगाव गुजरी येथे माहेरी आलेल्या पत्नी व नऊ महिन्याच्या मुलीची पतीने हत्या केली. पत्नी व मुलीची हत्या केल्यानंतर पतीनेही बुलढाणा जिल्ह्यातील दुधगाव येथे आपल्या घरी जाऊन गळफास घेऊन आत्महत्या केली. या दोघांमध्ये कौटुंबिक वाद होते.
यामुळे प्रतिभा झनके आपल्या 9 महिन्याच्या मुलीसह तीन महिन्यापासून देऊळगाव गुजरी येथे माहेरी राहत होत्या.विशाल झनके याने देऊळगाव गुजरी येथे येऊन पत्नी व मुलीची हत्या केली. पत्नी आणि मुलीच्या हत्येनंतर विशाल बुलढाणा जिल्ह्यातील दुधलगाव येथे आपल्या घरी आला. तिथे त्याने गळफास घेत आत्महत्या केल्याच्या घटनेने खळबळ उडाली आहे. या प्रकरणी फत्तेपूर पोलीस स्टेशनमध्ये गुन्हा दाखल करण्यात आला आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
