छत्रपती संभाजीनगर : आजकाल तरुण पिढीमध्ये आत्महत्याचे प्रमाण खूप वाढले आहे. एका शुल्लक कारणावरून ते आत्महत्यासारखे टोकाचे पाऊल उचलत आहेत. अशीच एक घटना छत्रपती संभाजीनगरमध्ये (Chhatrapati Sambhajinagar News) घडली आहे. यामध्ये अवघ्या 12 वर्षांच्या मुलीने वडील अभ्यास कर म्हणल्याने धक्कादायक पाऊल उचलत गळफास घेऊन आत्महत्या केली आहे. छत्रपती संभाजीनगरमधील औरंगपुरा या ठिकाणी ही धक्कादायक घटना घडली आहे.
काय आहे संपूर्ण प्रकरण?
प्रणवी उलमाले असं आत्महत्या केलेल्या मुलीचं नाव आहे. औरंगपुरा इथं ती कुटुंबियांसोबत राहत होती. प्रणालीच्या शिक्षकांनी तिच्या नोंदवहीत ती अभ्यास करत नसल्याची नोंद केली होती. ती नोंद पाहून वडिलांनी तिला होमवर्क वेळेवर करत जा असं सुनावलं. याचा राग आल्याने प्रणवीने वडील कामावर गेल्यानंतर ओढणीच्या सहाय्याने घरीच गळफास घेऊन आत्महत्या केली.
औरंगपुरा भागातील भडाई गल्लीत काल सायंकाळी घडली. बराच वेळेपासून खोलीचा दरवाजा उघडत नसल्याने, आजोबांनी दरवाजा तोडला आणि आज प्रवेश केला असता प्रणवी गळफास घेतलेल्या अवस्थेमध्ये आढळून आली. यानंतर तिला तातडीने रुग्णालयात दाखल करण्यात आले मात्र त्या ठिकाणी डॉक्टरांनी तिला तपासून मृत घोषित केले. या प्रकरणी क्रांती चौक पोलीस ठाण्यात आकस्मित मृत्यूची नोंद करण्यात आली आहे.