मुंबई : मुंबईतील प्रसिद्ध हॉटेल व्यावसायिक जया शेट्टी हत्याकांडात कोर्टाने कुख्यात गुंड छोटा राजनला (Chhota Rajan) दोषी सिद्ध केले आहे. मुंबईच्या विशेष सीबीआय न्यायालयाने आज हा निकाल दिला आहे. जया शेट्टी यांच्या हत्येचा कट राजनसह अन्य चौघांनी रचल्याचे न्यायालयाच्या निदर्शनास आले आहे. आधीपासून जन्मठेपेची शिक्षा भोगत असलेला अंडरवर्ल्ड गँगस्टर छोटा राजन याला 2001 मध्ये मुंबईतील हॉटेल व्यावसायिकाच्या हत्येप्रकरणी विशेष महाराष्ट्र संघटित गुन्हेगारी नियंत्रण कायदा (मकोका) न्यायालयाने दोषी ठरवले होते. त्याच्याबरोबर राजनचे तीन सहआरोपी अजय मोहिते, प्रमोद धोंडे आणि राहुल पानसरे यांना विशेष न्यायालयाने यापूर्वीच दोषी ठरवले होते.
काय आहे नेमके प्रकरण?
4 मे 2001 रोजी शेट्टी त्यांच्या हॉटेलमध्ये असताना दोन अज्ञात हल्लेखोरांनी प्रवेश केला आणि गोळीबार केला, ज्यात त्यांचा जागीच मृत्यू झाला. हत्येच्या काही मिनिटांनंतर, राजनचा जवळचा सहकारी, हेमंत पुजारीने कथितपणे हॉटेलमध्ये कॉल केला आणि खंडणीचे पैसे न दिल्यास कुटुंबाला संपवण्याची धमकी दिली होती. पत्रकार जे डे यांच्या 2011 च्या हाय-प्रोफाइल हत्येसह महाराष्ट्रातील अंदाजे 70 प्रकरणांमध्ये आरोपी असलेल्या राजनला 25 ऑक्टोबर 2015 रोजी इंडोनेशियातील बाली विमानतळावर अटक करण्यात आली होती. त्यानंतर त्याला भारतात पाठवण्यात आले. डे यांच्या हत्येतील भूमिकेसाठी विशेष MCOCA न्यायालयाने राजनला जन्मठेपेची शिक्षा सुनावली होती.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Jalgaon Crime : जळगाव हादरलं ! भुसावळमध्ये माजी नगरसेवकासह दोघांची गोळ्या झाडून हत्या
