पुणे : पुण्यामध्ये काल मध्यरात्रीच्या सुमारास एक खळबळजनक घटना घडली आहे. यामध्ये एका सराईत गुन्हेगारावर गोळीबार करण्यात आला आहे. वानवडी पोलिस स्टेशनच्या (Wanwadi Police Station) हद्दीतील महंमदवाडी रोडवर ही गोळीबाराची घटना घडली आहे. यामध्ये दुचाकीवरुन आलेल्या एकाने सराईत गुन्हेगारावर गोळीबार केला आहे. या गोळीबारात हा सराईत गुन्हेगार जखमी झाला आहे. पच्चीस ऊर्फ फैजान रमजान शेख (वय 21, रा. सय्यदनगर, कोंढवा) असे जखमी झालेल्या सराईत गुन्हेगाराचे नाव आहे.
ही गोळीबाराची घटना महंमदवाडी रोड परिसरात सोमवारी रात्री साडेअकरा वाजता घडली. या गोळीबारा प्रकरणी पोलिसांनी एकाला अटक केली आहे. पच्चीस शेख याच्या पोटात गोळी घुसल्यामुळे तो जखमी झाला आहे. त्याच्यावर ससून रुग्णालयात (Sasoon Hospital) उपचार सुरु आहेत. गुलाम दौस खान असे आरोपीचे नाव आहे. पच्चीस ऊर्फ फैजान शेख (Faizan Shaikh) हा रात्री महंमदवाडी रोड परिसरातून जात असताना दुचाकीवरुन आलेल्या दोघांनी त्याच्यावर गोळीबार केला. फैजान शेख आणि आरोपी यांच्यात पूर्वीपासून वाद होते.
या घटनेची माहिती मिळताच पोलिसांनी तातडीने घटनास्थळी धाव घेतली. या प्रकरणी वानवडी पोलीस ठाण्यात गुन्हा (Crime) दाखल करण्यात आला असून एकाला पोलिसांनी अटक केली आहे. अप्पर पोलिस आयुक्त रंजनकुमार शर्मा (IPS Ranjan Kumar Sharma), पोलिस उपायुक्त अमोल झेंडे (DCP Amol Zende), पोलिस उपायुक्त विक्रांत देशमुख (DCP Vikrant Deshmukh), पोलिस उपायुक्त सुहेल शर्मा (IPS Suhail Sharma), सहाय्यक पोलिस आयुक्त सतीश गोवेकर (ACP Satish Govekar), वरिष्ठ पोलिस निरीक्षक प्रताप मानकर Sr PI Pratap Mankar(खंडणी विरोधी पथक-2 Anti Extortion Cell Pune (AEC Pune), वरिष्ठ पोलिस निरीक्षक भाऊसाहेब पटारे, (Sr PI Bhausaheb Patare), वरिष्ठ पोलिस निरीक्षक श्रीहरी बहिरट (Sr PI Shrihari Bahirat), वरिष्ठ पोलिस निरीक्षक उल्हास कदम (Sr PI Ulhas Kadam) यांच्यासह इतर अधिकारी व पोलिस अंमलदारांनी भेट दिली व पुढील तपासाला सुरुवात केली.