पुणे : पुण्यातील (Pune Accident News) मावळ मधून एक दुर्दैवी घटना समोर आली आहे. मावळमधील चांदखेड येथे ओढ्यामध्ये कारवरील नियंत्रण सुटल्यामुळे एका डॉक्टरला आपला जीव गमवावा लागला आहे. या घटनेमुळे परिसरात एकच खळबळ उडाली आहे. डॉ. सत्यजित अर्जुनराव नवाडे (वय 42) असे मृत पावलेल्या डॉक्टरचे नाव आहे. रविवारी मध्यरात्रीच्या सुमारास हा दुर्दैवी अपघात झाला आहे.
काय घडले नेमके?
मावळ तालुक्यातील नेरे दत्तवाडी येथे डॉ. सत्यजित नवाडे यांचे हॉस्पिटल आहे. सर्व काम उरकल्यानंतर डॉक्टर चांडखेड येथून कारने बाहेर जात होते. मध्यरात्र असल्याने रस्त्यावर कोणतीही रहादारी नव्हती. त्यामुळे गाडी वेगात होती. मात्र, काही अंतर गेल्यावर चांदखेड गावाजवळ आल्यानंतर डॉ. सत्यजित यांचे गाडीवरील नियंत्रण सुटले आणि गाडी ओढ्यात कोसळली.
या घटनेची माहिती मिळताच वन्यजीव रक्षक मावळ संस्था, शिवदुर्ग मित्र लोणावळा, आपदा मित्र मावळ संस्थेचे निलेश गराडे, अजय मुन्हे, अनिश गराडे, कृष्णा गायकवाड, प्रतीक थोरवे, शुभम काकडे, विनय सावंत, विकी दौंडकर, गणेश ढोरे, शिरगाव पोलिस आणि स्थानिक नागरिकांनी तातडीने घटनास्थळी धाव घेतली. या सर्वांनी अथक प्रयत्नानंतर ट्रॅक्टरच्या सहाय्याने कार बाहेर काढली. या कारमध्ये डॉ. सत्यजित नवाडे अडकले होते. त्यांना बाहेर काढून रुग्णालयात दाखल करण्यात आले मात्र त्या अगोदरच त्यांचा दुर्दैवी मृत्यू झाला. डॉ. सत्यजित यांचा अपघाती मृत्यू झाल्याने त्यांच्या कुटुंबियांवर मोठा दुःखाचा डोंगर कोसळला आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Pune News : पुणे हादरलं! मध्यरात्रीच्या सुमारास पाठलाग करून तरुणाची निर्घृणपणे हत्या
Wardha News : तपासणीसाठी आलेल्या मत्स्य विभागाच्या अधिकाऱ्याचा धरणात बुडून दुर्दैवी मृत्यू