मध्य प्रदेश : मध्य प्रदेशातील छिंदवाडा जिल्ह्यातील अमरवाडा या ठिकाणी एक खळबळजनक घटना (Crime News) घडली आहे. यामध्ये आरोपीने डॉक्टर दाम्पत्यावर हल्ला करून स्वतःदेखील आत्महत्या केली आहे. या तिघांना गंभीर अवस्थेत रुग्णालयात दाखल करण्यात आले. जिथे उपचारादरम्यान डॉक्टर दाम्पत्याचा मृत्यू झाला. तर आरोपी तरुणाची प्रकृतीदेखील गंभीर असल्याचे समजत आहे.
काय आहे नेमके प्रकरण?
ही घटना अमरवाड्यातील खामरा रोड या ठिकाणी घडली आहे. गुलाबरा छिंदवाडा येथील रहिवासी शनिवारी दुपारी 2 वाजता सोनू उर्फ प्रिन्स माळवी याने देहरिया क्लिनिकमध्ये पिस्तूल घेऊन प्रवेश केला आणि येथे बसलेल्या डॉक्टर महेश देहरिया (55) यांच्यावर गोळीबार केला. सोनूच्या रिव्हॉल्वरमधून निघालेली गोळी ही महेश देहरिया यांच्या छातीत लागली, त्यामुळे ते बेशुद्ध पडले. आरोपीने दुसरी गोळी झाडली तेव्हा त्यांना वाचवण्यासाठी धावलेली त्यांची पत्नी वंदना देहरिया (50) यांच्या पाठीत गोळी लागली, त्यामुळे त्याही जखमी झाल्या.
यानंतर क्लिनिकमध्ये उपस्थित लोकांना काही समजण्यापूर्वीच आरोपीने स्वत:च्या पायात गोळी झाडून स्वत:लाही गंभीर जखमी केले. ही माहिती तातडीने पोलिसांना देण्यात आली. त्याचवेळी तिघांनाही रुग्णवाहिकेतून अमरवाडा रुग्णालयात पाठवण्यात आले. तेथून डॉक्टर दाम्पत्याला गंभीर अवस्थेत जिल्हा रुग्णालयात रेफर करण्यात आले. मात्र, उपचारादरम्यान डॉक्टर दाम्पत्याचा दुर्दैवी मृत्यू झाला. या घटनेमुळे परिसरात मोठी खळबळ उडाली आहे. पोलीस याचा पुढील तपास करत आहेत.