छत्रपती संभाजीनगर : छत्रपती संभाजीनगर (Chhatrapati Sambhajinagar) शहरासाठी 2 एप्रिलची रात्र ही काळरात्र ठरली आहे. यामध्ये छावणी परिसरात तीन मजली इमारतीला मध्यरात्री भीषण आग लागली. यामुळे परिसरात मोठी खळबळ उडाली. या आगीत दुर्दैवाने एकाच कुटुंबातील 7 जणांचा होरपळून मृत्यू झाला आहे. छावणी परिसरातील जैन मंदिराजवळ ही घटना घडली. रात्री तीन वाजेदरम्यान ही घटना घडली आहे.
या भीषण आगीची माहिती मिळताच घटनास्थळी बचाव कार्यासाठी कॅन्टोन्मेंट अधिकारी, कर्मचारी व छावणी पोलीस आग विझवण्यासाठी प्रयत्न करत आहेत. यावेळी परिसरातील नागरिकांनी मोठ्या प्रमाणात बचावकार्य करण्याचा प्रयत्न केला. मृतांमध्ये दोन बालक, तीन महीला व दोन माणसांचा समावेश आहे. मृतांमध्ये अजून वाढ होण्याची शक्यता आहे. ही आग नेमकी कशामुळे लागली हे मात्र अद्याप समजू शकलेले नाही.
आसिम वसीम शेख ( 3 वर्ष), परी वसीम शेख (2 वर्ष ), वसीम शेख (30 वर्ष), तन्वीर वसीम (23 वर्ष), हमीदा बेगम ( 50 वर्ष), शेख सोहेल 35 वर्ष, रेश्मा शेख (22 वर्ष) अशी या दुर्घटनेत मृत पावलेल्या व्यक्तींची नावे आहेत.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
