छत्रपती संभाजीनगर : छत्रपती संभाजीनगरमधून (Chhatrapati Sambhajinagar) एक भीषण घटना समोर आली आहे. यामध्ये वाळूज औद्योगिक परिसरात हँडग्लोज बनवणाऱ्या एका कंपनीला मध्यरात्रीच्या सुमारास भीषण आग लागली. या आगीत सहा परप्रांतीय मजूरांचा होरपळून मृत्यू झाला आहे तर 4 जण आपला जीव वाचवण्यात यशस्वी झाले आहेत. मध्यरात्री बाराच्या सुमारास ही घटना घडली आहे. या आगीची माहिती मिळताच अग्निशमनदलाने तातडीने घटनास्थळी धाव घेऊन आपल्या अथक प्रयत्नांनी ही आग विझवली.
छत्रपती संभाजीनगरच्या वाळूज औद्योगिक वसाहतीतील सी सेक्टर प्लॉट नंबर 216 मध्ये ‘सनशाइन इंटरप्राईजेस’ या कंपनीत ही भीषण आग लागली. या दुर्घटनेत 6 कामगारांचा होरपळून मृत्यू झाला. मृत पावलेले सगळे कामगार हे बिहार राज्यातील होते. हँडग्लोज बनवणाऱ्या कारखान्याला मध्यरात्री ही भीषण आग लागली होती या आगीत मुश्ताक शेख (वय 65), कौशर शेख (32), इक्बाल शेख (18), ककनजी (55), रियाजभाई (32), मरगुम शेख (33) यांचा मृत्यू झाला आहे.
या कंपनीमध्ये 15 कामगारांसह एक महिला व दोन लहान मुले असे एकूण 18 जण काम करत होते. कंपनीतले बहुतांश कामगार हे बिहार राज्यातील मधुबनी जिल्ह्यातील मिर्झापूर, पंचायत दलोकर या गावाचे रहिवासी आहेत. मृतांमधील काही कामगारांचा धूरात गुदमरून मृत्यू झाला असावा, असा अंदाज व्यक्त होत आहे. कामगार झोपेत असताना ही आगीची घटना घडली. या घटनेमुळे जिल्ह्यात खळबळ उडाली आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Top Political Events 2023 : 2023 मध्ये घडल्या ‘या’ महत्वाच्या राजकीय घडामोडी
Kolhapur News : महिलेने ‘त्या’ गोष्टीला नकार देताच आरोपीने केलेल्या कृत्याने संपूर्ण गाव हादरलं
Palghar Accident : पालघरमध्ये एसटीचा भीषण अपघात; 2 चिमुकल्यांचा मृत्यू, 15 जखमी
Selfie Accident News : सेल्फी ठरला जीवघेणा ! प्रबळगडावरून कोसळून 24 वर्षीय महिलेचा दुर्दैवी मृत्यू
Raigad Accident : पुण्याहून कोकणात जाणाऱ्या बसचा ताम्हीणी घाटात भीषण अपघात