छत्रपती संभाजीनगर : वाळुज एमआयडीसीमध्ये आग लागून सहा कामगारांचा मृत्यू झाल्याची घटना ताजी असताना आता छत्रपती संभाजीनगरमधून (Chhatrapati Sambhajinagar Accident) आणखी एक धक्कादायक घटना समोर आली आहे. यामध्ये बाईकच्या धडकेनंतर खाली पडलेल्या चौघांना एका अज्ञात वाहनाने चिरडले. यामुळे परिसरात एकच खळबळ उडाली. या घटनेत तिघांचा जागीच मृत्यू झाला. तर एकजण गंभीर जखमी झाला आहे. या अपघाताची माहिती मिळताच पोलिसांनी तातडीने घटनास्थळी धाव घेऊन जखमीला रुग्णालयात दाखल केले. या प्रकरणी अज्ञात वाहन चालकाविरुद्ध गुन्हा दाखल करण्यात आला आहे.
काय घडले नेमके?
छत्रपती संभाजीनगर जिल्हयातील करमाड-पिंप्रीराजा मार्गावर मंगरूळ फाट्यावर दोन बाईकचा अपघात झाला होता. या अपघातानंतर रस्त्यावर पडलेल्या चौघांपैकी तिघांना अज्ञात वाहनाने चिरडल्याची धक्कादायक घटना घडली आहे. या भीषण अपघातात आकाश शिवाजी कांबळे, कैलास एकनाथ कांबळे, प्रताप साळुबा बनसोडे हे जागीच ठार झाले आहेत. तर शंकर लक्ष्मण थोरात हे गंभीर जखमी झाले आहेत. धक्कादायक या अपघातात मृत पावलेले कैलास आणि आकाश हे दोघेही सख्खे चुलते-पुतणे होते.
करमाड-पिंप्रीराजा मार्गावर मंगरूळ फाट्यावर या दोन बाईक एकमेकांना धडकल्या होत्या. धडक बसल्यानंतर बाईकवरील चौघेही खाली रस्त्यावर पडले. मात्र याचवेळी या मार्गावरून जाणाऱ्या एका अज्ञात वाहनाने आकाश, कैलास आणि प्रताप या तिघांना चिरडले. तर या अपघाता शंकर थोरात हे जखमी झाले. या अपघातानंतर कार चालक घटनास्थळावरून फरार झाला. या घटनेची नोंद करमाड पोलिस ठाण्यात करण्यात आली आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Sport News : 2023 मध्ये क्रीडा विश्वात घडल्या ‘या’ महत्वाच्या घडामोडी
Movie Released In 2023 : ‘या’ 15 चित्रपटांनी 2023 मध्ये बॉक्स ऑफिसवर अनेक रेकॉर्ड मोडत केला कल्ला
Veteran Artists Pass Away In 2023 : 2023 मध्ये ‘या’ दिग्ग्ज कलाकारांनी घेतला जगाचा निरोप
Top Political Events 2023 : 2023 मध्ये घडल्या ‘या’ महत्वाच्या राजकीय घडामोडी