बुलढाणा : बुलढाणा (Buldhana News) जिल्ह्यातील चिखली येथे खामगाव रोडवर असलेल्या पंचमुखी हनुमान मंदिराजवळ एक धक्कादायक घटना घडली आहे. यामध्ये (Buldhana News) आरोपी पतीने आपल्या पत्नीची व आपल्या दीड वर्षाच्या मुलीची कांदा कापायच्या चाकूने हत्या केली आहे. पत्नी आणि मुलीचा जीव घेतल्यानंतर आरोपीने घटनास्थळावरून निघून अंढेरा जवळ आला आणि या परिसरात त्याने झाडाला फाशी लावून आत्महत्या केली. वर्षा दंदाले असे मृत पत्नीचे नाव आहे.
काय घडले नेमके?
या घटनेची माहिती मिळताच पोलीस तातडीने घटनास्थळी दाखल झाले. त्यांनी महिला आणि चिमुरडी मुलीचे प्रेत ताब्यात घेतले आहे. ज्याने आपल्या पत्नीची आणि मुलीची हत्या केली तो कुठल्याही नोकरीवर नव्हता. अद्याप त्याचे नाव कळू शकलेले नाही. ही घटना दुपारच्या सुमारास घडल्याने परिसरात मोठ्या प्रमाणात खळबळ उडाली आहे. आरोपी पतीने नेमकी कोणत्या कारणामुळे आत्महत्या केली हे मात्र अद्याप समजू शकलेले नाही. या घटनेमुळे संपूर्ण जिल्हा हादरला आहे.
