बुलढाणा : बुलढाणामधून (Buldhana Accident) एक मन हेलावून टाकणारी घटना समोर आली आहे. बुलढाणा जिल्ह्यातील खामगाव येथे दुचाकी चालवताना मागच्या सीटवर बसलेल्या विवाहितेचा स्पीड ब्रेकवरुन खाली पडून गंभीर जखमी झाल्याने उपचारादरम्यान मृत्यू झाला आहे. खामगाव नांदुरा मार्गावरील परदेशी ढाबाजवळील पुलाजवळ हा अपघात झाला आहे.
काय घडले नेमके?
खामगाव येथील चांदमारी भागातील लक्ष्मी नगर भागातील रहिवासी शशिकांत शर्मा हे पत्नी सविता यांच्यासह 14 नोव्हेंबर रोजी नांदुरा येथून मुलीची भेट घेऊन दुचाकीने खामगावकडे परत येत होते. नांदुरा रोडवरील परदेशी धाब्याजवळील नवीन पुलाजवळ स्पीड ब्रेकवरुन सदर दुचाकी पडल्याने मागच्या सीटवर बसलेल्या सरिता शशिकांत शर्मा (वय 53) वर्ष या दुचाकीवरून तोल जाऊन खाली पडल्या. त्यामुळे त्यांच्या डोक्याला खंबीर दुखापत झाली. यानंतर त्यांना तातडीने उपचारासाठी खामगाव येथील खाजगी हॉस्पिटलमध्ये दाखल करण्यात आले.
त्या ठिकाणी त्यांच्यावर उपचार सुरू असताना 20 नोव्हेंबरच्या मध्यरात्री उपचारादरम्यान त्यांचा मृत्यू झाला. या प्रकरणी खामगाव ग्रामीण पोलिसांनी गुन्हा दाखल केला आहे. सविता शर्मा यांच्या अपघाती निधनामुळे त्यांच्या कुटुंबियांना मोठा धक्का बसला असून सगळीकडे हळहळ व्यक्त केली जात आहे. सविता यांच्या पश्चात पती, दोन मुली, एक मुलगा नातू असा परिवार आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Yerwada Jail : कुख्यात गुंड आशिष जाधव येरवडा जेलमधून फरार; कारागृहाचा भोंगळ कारभार चव्हाट्यावर
Navi Mumbai Video : मालकाचा नंबर दिला नाही म्हणून तरुणाने तलवार घेऊन पसरवली दहशत
Mulshi Accident : मुळशीतील पिरंगुट घाटात चालकाचे नियंत्रण सुटल्याने टेम्पोचा भीषण अपघात
