नागपूर : आज पहाटेच्या सुमारास (Buldhana Bus Accident) सिंदखेड राजा तालुक्यात गौ शिवारात हिंदूहृदयसम्राट बाळासाहेब ठाकरे समृद्धी महामार्गावर नागपूरकडून पुण्याच्या दिशेने असलेल्या विदर्भ ट्रॅव्हल क्र. MH29 BE1819 ला भीषण अपघात (Buldhana Bus Accident) होऊन आग लागल्यानं मोठया प्रमाणावर जीवितहानी झाली. यामध्ये 26 प्रवासी मृत्युमुखी पडले. बस मध्ये एकूण 33 जण प्रवास करत होते. नागपूरहून पुण्याला ही खाजगी बस जात होती. बुलढाण्यातील सिंखेडराजा जवळ परिसरात या बसला अपघात झाला. या अपघातातून ड्रायव्हर मात्र वाचला आहे. त्याला पोलिसांनी अटक केली असून चौकशी सुरू आहे.
अनेकांचे शाप आणि अश्रू त्या रस्त्यामध्ये दिसतात”, समृद्धीवरील अपघातावर संजय राऊतांची प्रतिक्रिया
या अपघाताप्रकरणी आता आरटीओकडून प्राथमिक अहवाल सादर करण्यात आला. या अहवालात आणि बसच्या चालकाने दिलेल्या जबाबात तफावत असल्याचे समोर आले. ड्रायव्हरच्या म्हणण्यानुसार टायर फुटून भीषण अपघात झाला. मात्र आरटीओनं दिलेल्या अहवालात बसचा टायर फुटलाच नाही अशी माहिती समोर आली आहे. टायर फुटल्याने हा अपघात झालाच नाही.
या भीषण अपघातातबाबत (Buldhana Bus Accident) अमरावतीच्या आरटीओने अहवाल सादर केला. या प्रकरणी गृह विभागाकडून अपघाताची चौकशी सुरु करण्यात आली आहे. हा अपघात बस चालकाला डुलकी लागल्यामुळे झाला असावा अशी शक्यता वर्तवली जात आहे.