पिंपरी-चिंचवड शहरात भोसरी परिसरातील दिघी रोडवर कोयता गँगनं एका तरुणावर वार करून त्याला गंभीर जखमी केल्याची शनिवारी रात्री घडली. या घटनेनं सर्वत्र एकच खळबळ उडाली असून संबंधित तरुण जखमी अवस्थेत भर रस्त्यात तडफडत असल्याचा व्हिडिओ सोशल मीडियावर व्हायरल होतोय.
नाच-गाण्यावरून झालेल्या किरकोळ वादातून आम्हीच इथले भाई आहोत, असं म्हणत कोयता गँगनं हा हल्ला केल्याची घटना भोसरीतील दिघी रोडवर शनिवारी रात्री घडली. प्रज्वल गोपाळ मकेश्वर आणि ओमकार नारायण गाडेकर या दोन तरुणांवर हा प्राणघातक हल्ला झाला. या हल्ल्यात प्रज्वल गोपाळ मकेश्वर गंभीर जखमी झाला असून त्याच्यावर वायसीएम हॉस्पिटलमध्ये उपचार सुरू आहेत. या हल्ल्याप्रकरणी भोसरी पोलीस ठाण्यात ज्ञानेश्वर बडगे याच्यासह एकुण अठरा आरोपींविरुद्ध खुनाच्या प्रयत्नाचा गुन्हा दाखल करण्यात आलाय.