पुणे : राज्यात अपघाताचे सत्र सध्या सुरूच आहे. आज सकाळी भीमाशंकर-कल्याण बसचा गिरवली गावाजवळ भीषण अपघात (Bhimashankar Accident) झाला. भीमाशंकरला जात असतांना चालकाचे बस वरील नियंत्रण सुटल्यामुळे हा अपघात (Bhimashankar Accident) झाला आहे. या बसमध्ये एकूण 35 प्रवासी प्रवास करत होते. यामध्ये 5 प्रवासी मोठ्या प्रमाणात जखमी झाले आहेत. त्यांच्यावर घोडेगाव ग्रामीण रुग्णालयात उपचार सुरु आहेत. तसेच इतर प्रवासी सुखरूप आहेत, अशी माहिती जिल्हा प्रशासनाकडून देण्यात आली आहे.
Train Viral Video : महिलांची लोकल ट्रेनमध्ये फ्री स्टाईल हाणामारी; लाथा- बुक्क्यांनी केली मारहाण
या अपघाताची (Bhimashankar Accident) नियंत्रण कक्षाला दूरध्वनीद्वारे माहिती मिळताच जिल्हा प्रशासनाकडून तातडीने पाच रुग्णवाहिका अपघातस्थळी रवाना करण्यात आल्या. जिल्हा प्रशासनाचे अधिकारीदेखील अपघातस्थळी दाखल झाले असून, अपघातग्रस्तांना आवश्यक ती मदत करण्यात येत असल्याचे जिल्हा प्रशासनाकडून सांगण्यात आले आहे. हा अपघात नेमका कशामुळे झाला हे मात्र अद्याप समजू शकलेले नाही.
Jalgaon Crime : दुकानावर जाताना काळाचा घाला; बापाचे छत्र हरपल्याने पोरं झाली पोरकी
या अपघातात (Bhimashankar Accident) दोन रुग्णांना गुडघा आणि घोट्याला किरकोळ दुखापत झाली आहे. कोणालाही कोणताही धोका नाही. सर्व आवश्यक वैद्यकीय सेवा पुरवल्या जात आहेत, अशी माहिती जिल्हा परिषदेचे मुख्यकार्यकारी अधिकारी आयुष प्रसाद यांच्याकडून देण्यात आली आहे.