भंडारा : काही दिवसांपूर्वी भंडाऱ्यामध्ये (Bhandara Murder) एक धक्कादायक घटना उघडकीस आली होती. यामध्ये भंडारा येथील गोसीखुर्द धरणाच्या बॅक वॉटरमध्ये नयन खोडके (वय 19) या तरुणाचा गुरुवारी हातपाय बांधलेल्या अवस्थेत मृतदेह आढळून आला होता.या घटनेमुळे परिसरात मोठ्या प्रमाणात खळबळ उडाली होती. पोलीस बरेच दिवस या प्रकरणाचा तपास करत होते. अखेर त्यांना या मृतदेहाचे गूढ उकलण्यात यश आले आहे. या प्रकरणी पोलिसांनी एका तरुणीसह तिच्या दोन मित्रांना अटक केली आहे.
काय आहे संपूर्ण प्रकरण?
दोन दिवसांपूर्वी घरी काही न सांगता बाहेर निघून गेलेल्या नयन खोडकेचा मृतदेह हातपाय बांधलेल्या अवस्थेत वैनगंगा नदीच्या कोरंभी ते सालेबर्डी परिसरातील बॅक वॉटरमध्ये आढळला होता. यामुळे परिसरात एकच खळबळ उडाली होती. त्याच्या कुटुंबियांनादेखील मोठा धक्का बसला होता. ही हत्या भंडाऱ्यापासून काही अंतरावरील रमणीय स्थळ असलेल्या झिरी इथे करण्यात आली होती.
19 वर्षीय युवती प्रेयसीसोबत नयनचे प्रेम संबंध होते. परंतु काही दिवसांपूर्वी दोघांचे ब्रेकअप झाले आणि वाद होऊ लागले. अशातच वाद मिटविण्याच्या नावावर युवतीने नयनला झिरी येथे बोलावले, तिथे दोघांमध्ये वाद सुरू असताना मंथन आणि साहिल यांनी नयनची गळा आवळून हत्या केली. यानंतर मृतक नयन खोडके याला दुचाकीवर बसवून गोसीखुर्द प्रकल्पाच्या बॅक वॉटरच्या पुलावर नेऊन त्याचे हातपाय बांधले आणि पुलावरून खाली फेकून दिले. या प्रकरणी आरोपींनी आपला गुन्हा मान्य केला आहे. मंथन अशोक ठाकरे (वय 19, रा. भोजापूर), साहिल शरद धांडे (वय 19, रा. पेट्रोलपंप ठाणा) अशी आरोपींची नावे आहेत. भंडारा पोलीस या घटनेचा पुढील तपास करत आहेत.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Pune Accident : आळंदीला जाणाऱ्या पालखीत कंटेनर घुसून भीषण अपघात
Mumbai Fire News : मुंबईत गिरगावमध्ये भीषण आग; 2 जणांचा मृत्यू
Maharashtra Politics : निवडणुकीचा निकाल 4 राज्यांचा ! धक्का मात्र ठाकरे गटाला
Money Rain Pune : हडपसरमध्ये पैशांचा पाऊस पाडतो ,अशी बतावणी करून 18 लाख रुपयांची कॅश घेऊन 4 जण पळाले
Maharashtra Weather : पुढील 24 तासांत मेघगर्जनेसह पावसाची शक्यता; IMD ने वर्तवला अंदाज
Pune Indapur Murder : पुणे हादरलं ! अनैतिक संबंधांच्या संशयातून अपहरण करून तरुणाची हत्या
Mount Merapi Volcano : माऊंट मेरापी ज्वालामुखीच्या उद्रेकात 11 गिर्यारोहकांचा मृत्यू
