बीड : बीडमध्ये (Beed Accident) एक धक्कादायक घटना घडली आहे. यामध्ये मित्राच्या लग्नाला निघालेल्या तीन मित्रांचा अपघातात दुर्दैवी मृत्यू झाला तर एक तरुण जखमी झाला आहे. जखमी तरुणावर बीडच्या जिल्हा रुग्णालयात उपचार सुरु आहेत. या भीषण अपघातामुळे (Beed Accident) काही काळ महामार्गावरील वाहतूक विस्कळीत झाली होती. दरम्यान महामार्ग पेट्रोलिंग पथकाने अपघातग्रस्त कार बाजूला केली आणि काही काळ विस्कळीत झालेली वाहतूक सुरळीत केली.
Accident : नाशिकमध्ये समोरासमोर धडक होऊन एसटी ट्रकचा भीषण अपघात
काय घडले नेमके?
बीडहून मध्यरात्री पेडगावच्या दिशेने जात असताना चालकाचे कारवरील नियंत्रण सुटले आणि हा भीषण अपघात झाला. या अपघातामध्ये कारमधल्या तिघांचा जागीच मृत्यू झाला तर एक जण गंभीर जखमी झाला आहे.चालकाचं कारवरील नियंत्रण सुटल्याने कारने तीनवेळा पलटी खाल्ली आणि हा भीषण अपघात झाला. घोसापुरी शिवारात हा भीषण अपघात झाला.
Soalpur Accident: बाळूमामांच्या दर्शनाहून परतताना दुर्दैवी अपघातात दोन जिवलग मित्रांचा मृत्यू
मित्राच्या लग्नाला जाताना काळाचा घाला
धीरज गुणदेजा (वय 30 वर्षे), रोहन वाल्हेकर (वय 32 वर्षे), विवेक कानगुने (वय 33 वर्षे) अशी या अपघातात मृत झालेल्या व्यक्तींची नावे आहेत तर आनंद वाघ (वय 28 वर्षे) असे जखमी झालेल्या तरुणाचे नाव आहे. मृत आणि जखमी हे सगळे अहमदनगर जिल्ह्यातील नेवासा येथील रहिवासी होते. हे लोक घटनेच्या दिवशी च्या मित्राच्या लग्नाला जात असताना हा भीषण अपघात (Beed Accident) झाला.