चंद्रपूर : आपण चित्रपटात अनेक वेळा बँक दरोडे, बँक चोरी आणि बँक फोडीचे प्रकार बघितले असतील. यामधील कथानक कशाप्रकारे बँकेवर दरोडा (Robbery News) टाकण्याची तयारी करते. अगदी बॉलिवूडमधील आँखे चित्रपटापासून ते स्पॅनिश वेब सिरीज असलेल्या ‘मनी हाइस्ट’पर्यंत अनेक सिरीजमध्ये आपण दरोड्याच्या घटना बघितल्या असतील. अशीच एक कथा महाराष्ट्रातील एका बँक शाखेची आहे. अगदी एखाद्या चित्रपटाची कथा होईल अशी या बँकेची कहाणी आहे. महाराष्ट्रात एक अशी बँकेची शाखा आहे जिथे सरासरी दर 2 वर्षांनी बँक फोडली जाते. मागील 14 वर्षात या बँकेची शाखा 7 वेळा फोडण्याचा प्रयत्न झाला. चला तर मग ही बँक नेमकी कुठे आहे? आणि हा नेमका काय प्रकार आहे त्याबद्दल जाणून घेऊया…
नेमकं प्रकार काय घडला?
ज्या बँक शाखेबद्दल आपण बोलतोय ती चंद्रपूर जिल्ह्यातील वरोरा तालुक्यातल्या टेमुर्डा गावामध्ये आहे. ही शाखा बँक ऑफ महाराष्ट्राची आहे. या शाखेवर पुन्हा एकदा दरोडा टाकण्याचा प्रयत्न करण्यात आला. विशेष म्हणजे गेल्या 15 वर्षात ही शाखा तब्बल 7 वेळा फोडण्याचा प्रयत्न करण्यात आला आहे. यातील काही प्रयत्न यशस्वी झाले तर काही अपयशी झाले. या बँकेची शाखा नागपूर-चंद्रपूर महामार्गाच्या अगदी शेजारी आहे. त्यामुळेच चोरांसाठी चोरी करुन इथून पळ काढणं सोपं असल्याने ही बँक चोरांसाठी ‘सॉफ्ट टार्गेट’ ठरते.
अशी उघडकीस आली घटना?
या बँकेच्या शाखेच्या शेजारी रहात असलेल्या रमेश ठवरी यांच्या घरातील कुत्रा चोरांच्या आवाजामुळे भुंकायला लागला. कुत्रा भुंकायला लागल्यामुळे कुटुंबीयांना वेगळाच संक्षय आला आणि त्यांनी पोलिसांना कॉल केला. रमेश ठवरी यांनी पोलिसांबरोबरच गावातील त्यांचे सहकारी, पोलीस पाटील आणि ग्रामपंचायत कर्मचा-यांना ही माहिती दिली. पोलीसांना माहिती मिळताच पोलिसांची एक गाडी बँकेकडे रवाना झाली. सर्वांनी बँकेकडे धाव घेताच चोरांनी दरोडा अर्ध्यात सोडून तिथून धूम ठोकली. चोरांनी आपली ओळख पटू नये म्हणून बँकेतील सीसीटीव्ही आणि डीव्हीआर पळवून नेला. या घटनेमुळे संपूर्ण जिल्ह्यात मोठी खळबळ उडाली आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
NIA Raid : मुंबई, पुणे, ठाणे या ठिकाणी NIA ची छापेमारी; ISIS शी संबंधित 13 जणांना अटक
Raigad News : रायगड पोलिसांची मोठी कारवाई ! 106 कोटींचे ड्रग्स जप्त