नागपूर : नागपूरमधून (Nagpur) आई आणि मुलीच्या नात्याला काळिमा फासणारी घटना घडली आहे. यामध्ये एका आईने चक्क आपल्या पोटच्या न अल्पवयीन मुलींना देहव्यापार (Prostitution) करण्यासाठी गोव्यात विक्री करण्याचा प्रयत्न केला. या घटनेमुळे नागपूर जिल्ह्यात मोठी खळबळ उडाली आहे. नागपूर पोलिसांच्या सतर्कतेमुळे या प्रकरणाचा भांडाफोड झाला आहे. या प्रकरणी पोलिसांनी या मुलींची विक्री करणाऱ्या दलालाला अटक केली आहे. विजय टोनी (Vijay Toni) असे या आरोपी दलालाचे नाव आहे. आर्थिक परिस्थिती बेताची असल्यानं ही महिला आपल्या मैत्रिणीच्या सांगण्यावरून देहव्यापार करत होती अशी माहिती तपासातून समोर आली आहे.
काय आहे संपूर्ण प्रकरण?
नागपूरमध्ये एका महिलेनं आपल्याच दोन मुलींना देहव्यापारासाठी गोव्यात विकण्याचा प्रयत्न केला आहे. मात्र पोलिसांच्या सतर्कतेमुळे मोठा अनर्थ टळला आहे. या प्रकरणात पोलिसांनी विजय टोनी या दलालाला अटक केली आहे. या महिलेची अर्थिक परिस्थिती बेताची असल्यानं ती आपल्या मैत्रिणीच्या सांगण्यावरून देहव्यापार करत होती. मात्र अधिकच्या पैशाच्या लालसेनं या महिलेने आपल्या 13 आणि 16 वर्षांच्या मुलींनाही देहव्यापार करण्यासाठी ढकलले. नागपूर पोलिसांकडून (Nagpur Police) या प्रकरणाचा पुढील तपास करण्यात येत आहे.
