अमरावती : अमरावतीमधून (Amravati News) एक भीषण अपघाताची घटना समोर आली आहे. यामध्ये चिखलदरा जवळ बस दरीत कोसळून भीषण अपघात झाला आहे. एसटी बसमधून 20 पेक्षा जास्त प्रवासी प्रवास करत होते. या अपघातामध्ये तिघांचा मृत्यू झाला आहे. तसेच 20 हून जास्त लोक जखमी झाले आहेत.
काय घडले नेमके?
परतवाडा सेमाडोह घटांग रस्त्यावर एसटी बस दरीत कोसळली. घाट वळणाच्या रस्त्यावर चालकाचे बसवरील नियंत्रण सुटल्याने हा अपघात झाला. ही बस परतवाडा ते तुकईथळ इथं जात होती. अपघातात मृत्यूमुखी पडलेल्यांमध्ये दोन महिला आणि एका बालकाचा समावेश आहे. परतवाडा आगाराची ही बस असून रविवारी सकाळी साडे अकराच्या सुमारास हा अपघात झाला.
या अपघातात एका महिलेसह तिघांचा मृत्यू झाला आहे. मृतदेह एसटी बसमध्येच अडकले असून ते बाहेर काढण्याचं काम सुरू आहे. जवाहर कुंड इथं वळणावर 30 फूट खोल दरीत बस कोसळली. अपघातातील जखमींना उपचारासाठी रुग्णालयात दाखल करण्यात आले आहे. अपघाताची माहिती मिळताच पोलीस आणि प्रशासनातील अधिकारी तातडीने घटनास्थळी दाखल झाले आणि त्यांनी बचावकार्याला सुरुवात केली.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Delhi Crime Video : दिल्ली हादरली ! भरदिवसा माथेफिरूने तरुणीवर केले चाकूने सपासप वार
Lok Sabha Election : काँग्रेसकडून लोकसभेसाठी उमेदवारांची चौथी यादी जाहीर