अहमदनगर : अहमदनगर (Ahmednagar News) शहरातील श्रीगोंदा या ठिकाणाहून एक धक्कादायक बातमी समोर आली आहे. यामध्ये अनैतिक प्रेम संबंधात अडथळा ठरणाऱ्या पत्नीचा पतीनेच खून केला आहे. या प्रकरणी आरोपी पती ज्ञानदेव आमटे याच्यावर श्रीगोंदा पोलीस ठाण्यात गुन्हा दाखल करण्यात आला आहे. या घटनेमुळे परिसरात मोठी खळबळ उडाली आहे.
काय घडले नेमके?
पारगाव येथील ज्ञानदेव पोपट आमटे याचे गावातीलच एका महिलेशी बऱ्याच दिवसांपासून अनैतिक संबंध होते. या बेकायदेशीर प्रेम संबंधाची पत्नी रुपाली आमटे वारंवार चौकशी करत असल्याचा रागातून ज्ञानदेव याने स्वतःच्या पत्नीला बेदम मारहाण केली. यानंतर शांत डोक्याने कट रचून त्याने आपल्या पत्नीचा खून केला. यानंतर त्याने खुनाचा पुरावा नष्ट करण्यासाठी मयत रूपालीचा मृतदेह कापडामध्ये बांधून घराजवळ खड्डा करून ज्ञानदेवने पुरला. त्यानंतर श्रीगोंदा पोलीस ठाण्यात येऊन मी स्वतः मयत पत्नी रूपालीला चारचाकी गाडीत घेऊन शहरातील एका ब्युटी पार्लर मध्ये सोडले होते. नंतर तिला घेण्यासाठी पुन्हा आलो असता ती बेपत्ता झाली, अशी तक्रार त्याने पोलिसांत दाखल केली होती.
याबाबत आरोपी ज्ञानदेव पोपट आमटे याच्याविरुद्ध याच्यावर पत्नी रूपालीच्या खुनासह पुरावा नष्ट करण्याचा प्रयत्न केला. प्रकरणी भादवी कलम 302 व 201 नुसार मयत रुपाली हिचा भाऊ रोहित संतोष मडके याने दिलेल्या फिर्यादीवरून गुन्हा दाखल करण्यात आला आहे. आरोपी ज्ञानदेव पोपट आमटे हा फरार झाला होता. पोलीस त्याचा कसून शोध घेत होते. आरोपी हा अहमदाबाद, गुजरात येथे असल्याची माहिती मिळाली. यानंतर पोलिसांनी त्या ठिकाणी आपले पथक पाठवून त्यास शिताफीने ताब्यात घेतले. सदरील घटनेचा पुढील तपास पोलीस निरीक्षक ज्ञानेश्वर भोसले यांच्या मार्गदर्शनाखाली पोलीस उपनिरीक्षक संपत कण्हेरे करत आहेत.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Buldhana Accident : बुलढाणा हळहळलं ! आई आणि मुलीची ‘ती’ भेट ठरली अखेरची
Yerwada Jail : कुख्यात गुंड आशिष जाधव येरवडा जेलमधून फरार; कारागृहाचा भोंगळ कारभार चव्हाट्यावर
Navi Mumbai Video : मालकाचा नंबर दिला नाही म्हणून तरुणाने तलवार घेऊन पसरवली दहशत