रायगड : रायगड जिल्ह्यातील उसडी गावाजवळ टोल नाक्यावर अलिबागचे शिंदे गटाचे आमदार महेद्र दळवी यांच्या गाडीचा भीषण अपघात (Accident News) झाला आहे. या अपघातामध्ये दुचाकीस्वराचा मृत्यू झाला आहे. मुरुड आगरदांडा ग्रामपंचायत हद्दीतील उसडी गावाजवळ टोल नाक्यावर मोटार सायकल व आमदार महेंद्र दळवी यांच्या गाडीची समोरासमोर धडक झाल्याने हा अपघात झाला आहे.
काय घडले नेमके?
आमदार महेंद्र दळवी हे मुरुड- नांदगाव येथील साळाव आगरदांडा रस्त्याच्या भुमीपुजन कार्यक्रमासाठी येत असताना आज माणगाव येथील जासीम अब्दुल रहेमान पासवारे हे आपली हीरो होंडा पॅशन दुचाकीवरुन माणगावकडे जात होते.आगरदांडा ग्रामपंचायत हद्दीतील उसडी येथील टोलनाक्यावर आमदाराची गाडी व मोटार सायकल यांची जोरदार धडक झाली. या धडकेत दुचाकीस्वार गंभीर जखमी झाला.
या अपघातानंतर तातडीने जखमी दुचाकीस्वार जासीम अब्दुल रहेमान पासवारे यांना तातडीने रुग्णालयात दाखल करण्यात आले मात्र त्यांचा उपचारादरम्यान मृत्यू झाला. या अपघातामध्ये आमदार महेंद्र दळवी हे किरकोळ जखमी झाले आहेत.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
