जळगाव : होळीचा सण अवघ्या काही दिवसांवर येऊन ठेपला आहे. मात्र त्या अगोदर एक दुर्दैवी घटना (Accident News) समोर आली आहे. चाळीसगावच्या हिरापूर जवळील रेल्वेच्या तिसऱ्या लाइनचं काम करणाऱ्या मजुरांना घेऊन जाणाऱ्या भरधाव डंपरने मालवाहू पिकअपला समोरून जोरदार धडक दिली. त्यात दोन्ही वाहनं रस्त्यावर उलटली. हा अपघात इतका भीषण होता, की अपघातात दोन परप्रांतीय मजूर महिलांचा जागीच मृत्यू झाला आहे. तर अन्य मजूर जखमी झाले.
मंगळवारी रात्री साडेदहा वाजेच्या सुमारास ही घटना घडली. नांदगाव रस्त्यावर हिरापूर रेल्वे स्टेशनजवळ ही घडली आहे. होळीसाठी गावी जाण्याकरत हे मजूर डंपरने भुसावळ येथे जात होते. तिथून ते रेल्वेने आपल्या गावी जाणार होते. हिरापूरजवळ तिसऱ्या रेल्वे लाईनचं काम सुरू आहे. या ठिकाणी मध्यप्रदेश, छत्तीसगड येथील मजूर काम करत होते. तिसऱ्या रेल्वे लाइनचं काम पूर्ण झाल्यानंतर कामाचा हिशोब झाल्यावर हे मजूर त्यांच्या गावी निघाले होते. ते भुसावळ येथून कटनी पॅसेंजरने गावी जाण्यासाठी डंपरने रेल्वे स्टेशनकडे निघाले होते.
मात्र त्याअगोदरच काळाने त्यांच्यावर घाला घातला आहे. घटनेत जखमी झालेल्या 14 लोकांवर चाळीसगाव ग्रामीण रुग्णालयात उपचार सुरू आहेत. तर 8 गंभीर मजुरांना धुळे येथे उपचारार्थ दाखल करण्यात आलं आहे. या घटनेमुळे सगळीकडे हळहळ व्यक्त केली जात आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Crime News : 6 वर्षांच्या चिमुकलीसह बापाने स्वतःलादेखील संपवलं