पुणे : पुणे (Pune) जिल्ह्यात एक मन हेलावून टाकणारी घटना उघडकीस आली आहे. आज सगळीकडे मातृदिन (Mother’s Day) मोठ्या उत्साहात साजरा केला जात आहे. मात्र पुण्यात एका आईला मातृदिनाच्या दिवशी आपल्या पोटच्या लेकाचा मृतदेह पाहण्याची वेळ आली आहे.
काय आहे संपूर्ण प्रकरण ?
हडपसर (Hadapsar) येथील माळवाडी काळूबाई वसाहत येथील रहिवासी असलेला कृष्णा गणेश शिंदे (Krishna Ganesh Shinde) हा साधना शाळेत (Sadhana School) शिकत होता. तो आपल्या मामासोबत पोहायला गेला होता. शाळेच्या प्रवेशद्वाराजवळ जलतरण तलाव आहे. शनिवारी (13 मे) सकाळी नऊ वाजण्याच्या सुमारास कृष्णा स्विमिंग पूलमध्ये (Swimming Pool) शिरला तर त्याचे काकासुद्धा त्याच्या बरोबर पोहू लागले.
यानंतर काही वेळाने कृष्णाच्या काकांच्या लक्षात आले कि तो तलावात बुडाला आहे. यानंतर तिकडच्या लोकांनी त्याला तातडीने तलावातून बाहेर काढले आणि रुग्णालयात नेले. मात्र त्या ठिकाणी डॉक्टरांनी त्याला मृत घोषित केले. कृष्णाचा मृत्यू नेमका कशामुळे झाला हे मात्र अद्याप समजू शकलेले नाही. या घटनेमुळे सगळीकडे हळहळ व्यक्त केली जात आहे. या घटनेप्रकरणी हडपसर पोलिसांनी अकस्मात मृत्यूची नोंद करून पुढील तपासाला सुरुवात केली आहे.