जळगाव: वर्ध्यात 96 वं अखिल भारतीय मराठी साहित्य संमेलन झाल्यानंतरच 97 वं अखिल भारतीय मराठी साहित्य संमेलन कुठे होणार आणि संमेलनाध्यक्ष कोण होणार अशा चर्चा साहित्य वर्तुळात रंगण्यास सुरू झाली होती.
या पार्श्वभूमीवर आज पुण्यात झालेल्या बैठकीत आगामी 97 व्या अखिल भारतीय मराठी साहित्य संमेलनाचे स्थळ निश्चित करण्यात आलं असून जळगाव जिल्ह्यातील अमळनेर या ठिकाणी साहित्य संमेलन होणार आहे.
सातारा, औदुंबर, अमळनेर आणि जालना ही निमंत्रण आलेली चार स्थळे चर्चेत होती त्यानंतर अखिल भारतीय मराठी साहित्य परिषदेमध्ये झालेल्या बैठकीत अमळनेरमध्ये शिक्कामोर्तब करण्यात आलं आहे.