नागपूर: महाविकास आघाडीची आज दुसरी वज्रमूठ सभा नागपूर येथे होणार आहे. या वज्रमूठ सभेची मविआकडून जय्यत तयारी करण्यात आली आहे.
दर्शन कॉलनीच्या ज्या मैदानात सभा होणार आहे, त्याठिकाणी ४० हजार खुर्च्या लावण्यात आल्या आहेत. याशिवाय परिसरात अनेक स्क्रिन लावण्यात येणार आहे. सभेत १ लाख लोकं येतील अशी अपेक्षा महाविकास आघाडीच्या नेत्यांनी वक्त केली आहे. दरम्यान या संदर्भात एक मोठी बातमी समोर आली असून राज्याचे विरोधी पक्षनेते अजित पवार या सभेत भाषण करणार नसून राष्ट्रवादीकडून जयंत पाटील, अनिल देशमुख भाषण करणार आहेत.
काँग्रेसकडून सुनील केदार, बाळासाहेब थोरात भाषण करण्याची शक्यता असून शिवसेना उद्धव बाळासाहेब ठाकरे गटाकडून नेमकं कोण भाषण करणार हे मात्र गुलदस्त्यात आहे.
