महाराष्ट्राच्या राज्यपालपदी सी.पी. राधाकृष्णन यांची नियुक्ती झाली असून नेमके सी.पी. राधाकृष्णन कोण आहेत आणि त्यांची राजकीय कारकीर्द कशी आहे याचा आढावा घेणारा टॉप न्यूज मराठीचा हा स्पेशल रिपोर्ट…
राष्ट्रपती द्रौपदी मुर्मु यांनी शनिवारी रात्री उशिरा विविध राज्यातील राज्यपालांच्या नियुक्ता केल्या आहेत यामध्ये महाराष्ट्राचे राज्यपाल रमेश बैस यांच्या जागी सीपी राधाकृष्णन यांची नवी राज्यपाल म्हणून नियुक्ती झाली आहे तर महाराष्ट्रातील भारतीय जनता पक्षाचे ज्येष्ठ नेते फुलंब्रीचे आमदार आणि माजी विधानसभा अध्यक्ष हरिभाऊ बागडे यांची राजस्थानच्या राज्यपाल पदी वर्णी लागली आहे राजस्थान मधील भाजपाचे ज्येष्ठ नेते ओमकुमार माथुर यांची सिक्कीमच्या राज्यपाल पदी नियुक्ती झाली आहे. महाराष्ट्राचे नवनिर्वाचित राज्यपाल सीपी राधाकृष्णन यांची नेमके राजकीय कारकीर्द कशी आहे पाहूया…
- चार मे 1957 रोजी तिरुपुरमध्ये सीपी राधाकृष्णन यांचा जन्म
- वयाच्या सोळाव्या वर्षापासून राष्ट्रीय स्वयंसेवक संघाचे स्वयंसेवक
- तमिळनाडू भाजपाचे प्रदेशाध्यक्ष म्हणूनही पाहिलं काम
- कोईमतूर लोकसभा मतदारसंघातून दोन वेळा खासदार
- 18 मे 2023 पासून झारखंड, तेलंगणाचे राज्यपाल म्हणून जबाबदारी
- पुदुचेरी राज्याचे राज्यपाल म्हणून अतिरिक्त कार्यभार देखील सांभाळला
सीपी राधाकृष्णन हे गेल्या पाच वर्षातील महाराष्ट्राचे तिसरे राज्यपाल ठरले असून या अगोदर भगतसिंग कोशारी आणि रमेश बैस यांनी महाराष्ट्राचे राज्यपाल म्हणून काम पाहिलं…
