शिलॉंग- 83 व्या राष्ट्रीय टेबल टेनिस स्पर्धेत खेळायला जात असताना तामिळनाडूच्या राष्ट्रीय सब-ज्युनियर टेबल टेनिस पटू विश्व दीनदयालन याचा अपघाती मृत्यू झाला. त्याच्या बरोबरच त्याचे तीन सहकारी खेळाडू जखमी झाले. हा अपघात गुवाहाटीहून शिलाँगला टॅक्सीने जात असताना झाला. यामध्ये टॅक्सी चालकाचा जागीच मृत्यू झाला तर तर विश्वला रुग्णालयात आणले असता मृत घोषित करण्यात आले. जखमींपैकी एकाची प्रकृती चिंताजनक असल्याचे समजते.
तामिळनाडूचे हे टेबल टेनिसपटू गुवाहाटीहून शिलाँगला टॅक्सीने जात होते. वाटेत एका 12 चाकी ट्रेलरने त्यांच्या टॅक्सीला धडक दिली. टॅक्सी चालकाचा जागीच मृत्यू झाला, तर विश्वला रुग्णालयात आणले असता मृत घोषित करण्यात आले. जखमी खेळाडूंमध्ये तामिळनाडूचा रमेश कुमार, अबिनाश श्रीनिवासन आणि किशोर कुमार यांचा समावेश आहे.
जागतिक राष्ट्रीय टेबल टेनिसमध्ये खेळल्यानंतर, 27 एप्रिल रोजी, तो जागतिक टेबल टेनिस युवा स्पर्धक खेळण्यासाठी भारतीय संघासह ऑस्ट्रियाला जाणार होता. विश्वा हा चेन्नईच्या लॉयला कॉलेजमध्ये बीकॉमचा विद्यार्थी होता. जानेवारीमध्ये डेहराडून येथे झालेल्या १९ वर्षांखालील राष्ट्रीय मानांकन टेबल टेनिसचे विजेतेपदही त्याने पटकावले होते.
भारतीय टेबल टेनिस फेडरेशनच्या प्रशासकीय समितीच्या अध्यक्ष न्यायमूर्ती गीता मित्तल यांनी अपघाताबद्दल शोक व्यक्त केला आणि जखमी किशोर कुमार यांच्याशीही ते बोलले. हरियाणाचे उपमुख्यमंत्री आणि हरियाणा टेबल टेनिस असोसिएशनचे अध्यक्ष दुष्यंत चौटाला तसेच केंद्रीय क्रीडा मंत्री अनुराग ठाकूर यांनी विश्वा दीनदयालन यांच्या अपघाती निधनाबद्दल शोक व्यक्त केला आहे.
