पुणे-मुंबई द्रुतगती मार्गावर आज दुपारी झालेल्या कारचा भीषण अपघातात कारमधील चार जणांचा जागीच मृत्यू झाला. भरधाव कारनं उभ्या ट्रकला धडक दिल्यानं हा अपघात घडला आहे.
पुणे-मुंबई द्रुतगती मार्गाच्या कडेला उभा असलेल्या ट्रकला पाठीमागून भरधाव कारनं धडक दिली. या भीषण अपघातात चार जणांचा जागीच मृत्यू झाला. आज दुपारी सव्वा चारच्या सुमारास ही घटना घड या अपघातात कार चक्काचूर झाली. MCA क्रिकेट स्टेडियमच्या समोरच हा अपघात झाला असल्याचं पोलिसांनी सांगितलं. अपघाताची भीषणता एवढी होती की यात कारमधील चारही जणांचा जागीच मृत्यू झाला. घटनास्थळी महामार्ग पोलीस दाखल झाले आहेत. भरधाव स्कोडा कारचालकानं शंभर मीटरवर ब्रेक मारले असून त्याचे व्रण रस्त्यावर उमटले आहेत, अशी माहिती वरिष्ठ पोलीस निरीक्षक सत्यवान माने यांनी दिली.
