साताऱ्याहून सज्जनगडकडे निघालेल्या तवेरा गाडीचा सज्जनगडचा घाट चढत असताना तीव्र वळणावर अपघात झाला. या अपघातात तवेरा गाडीवरील नियंत्रण सुटून गाडी 800 फूट खोल दरीत गेली. हा अपघात गुरुवारी रात्री साडेबारा वाजण्याच्या सुमारास घडला. या अपघातात चालक अजित शिंगरे राहणार सज्जनगड यांचा मृत्यू झाला.
अजित शिंगरे साताऱ्याहून सज्जनगडकडे तवेरा गाडीतून जात होते. चढावर असताना एका तीव्र वळणावर अचानक गाडीवरील नियंत्रण सुटल्यामुळे गाडी थेट ८०० फूट खोल दरीत कोसळली. रात्री साडेबारा वाजण्याच्या सुमारास हा अपघात झाला. या अपघाताचा आवाज स्थानिक नागरिकांना ऐकू येताच नागरिकांनी तातडीने दरीच्या दिशेने धाव घेतली. त्यावेळी गाडी दरीत कोसळल्याचे त्यांच्या लक्षात आले. त्यांनी त्वरित पोलिसांना या घटनेची माहिती दिली.
सातारा तालुका पोलीस निरीक्षक विश्वजीत घोडके हे आपल्या कर्मचाऱ्यांसह घटनास्थळी गेले. स्थानिक नागरिकांच्या मदतीने आजसकाळी दरीत मृतदेहाचा शोध घेण्यात आला. मृतदेह शवविच्छेदनासाठी सातारा जिल्हा शासकीय रुग्णालय दाखल केला आहे. तो मृतदेह अजित नामक व्यक्तीचा असल्याचे लक्षात आले. त्यानंतर त्यांच्या नातेवाईकांना कळवण्यात आले.
