जर तुम्ही रोज Google Pay, Phone Pay, Paytm वापरत असाल तर तुमच्यासाठी मोठी अपडेट आहे. NPCI आणि RBI ने UPI च्या नियमांमध्ये मोठे बदल केले आहेत. हे नवीन नियम 15 सप्टेंबर 2026 पासून लागू झाले आहेत आणि काही नियम 4 सप्टेंबरपासूनच लागू झाले आहेत.
आतापर्यंत UPI ने सामान्य व्यवहारासाठी 1 लाख रुपयांची लिमिट होती. पण आता काही विशिष्ट व्हेरिफाईड मर्चंट कॅटेगिरीसाठी ही लिमिट थेट 5 लाख रुपये प्रति व्यवहार करण्यात आली आहे. NPCI ने दिलेल्या माहितीनुसार 28 ऑगस्टच्या सर्क्युलरनुसार या कॅटेगिरीमध्ये लिमिट वाढवली आहे.
म्हणजे आता तुम्हाला मोठा इन्शुरन्स किंवा घराचा EMI किंवा क्रेडिट कार्डचे बिल भरायचे असेल तर ते तुकड्या तुकड्यात भरायची गरज नाही, एकाच वेळी UPI ने पेमेंट होणार आहे. ही वाढ फक्त P2M म्हणजे Person to Merchant व्यवहारांसाठी आहे. P2P म्हणजे मित्रांना किंवा नातेवाईकांना पैसे पाठवण्याची लिमिट जैसे थे आहे, 1 लाख रुपये रोज.
4 सप्टेंबर 2026 पासून NPCI ने प्रायव्हसीसाठी नवा नियम लागू केला आहे. अनेक महिलांनी तक्रार केली होती की UPI पेमेंट करताना त्यांचा पूर्ण मोबाईल नंबर समोरच्या व्यक्तीला दिसतो. यामुळे फ्रॉडचा धोका होता. आता नवीन नियमानुसार पेमेंट करताना समोरच्या व्यक्तीला तुमच्या मोबाईल नंबरचे फक्त शेवटचे 4 आकडेच दिसतील, बाकीचे आकडे हाइड असतील. QR कोडने पेमेंट केल्यावर तर पूर्ण नंबरच दिसणार नाही. तसेच UPI ID आणि अकाउंट नंबरही मास्क केले जाणार आहेत.
अॅक्सिस बँकेने ग्राहकांसाठी नवीन सुविधा आणली आहे. आता तुम्ही P2P आणि मर्चंट पेमेंटसाठी वेगळी वेगळी लिमिट सेट करू शकता. उदाहरणार्थ मर्चंटसाठी 80 हजार आणि मित्रांना पाठवण्यासाठी 20 हजार अशी लिमिट तुम्ही अॅक्सिस मोबाईल अॅपमध्ये जाऊन Safety Centre मध्ये सेट करू शकता. ही लिमिट तुमच्या सर्व UPI अॅपवर लागू होईल. याशिवाय 1 ऑगस्टपासून लागू झालेले काही नियम अजूनही सुरू आहेत, जसे की दिवसातून 50 वेळाच बॅलन्स चेक करता येणार आणि UPI ऑटोपे फक्त नॉन पीक अवर्समध्ये म्हणजे सकाळी 10 आधी, दुपारी 1 ते 5 आणि रात्री 9.30 नंतरच होणार.
त्यामुळे UPI वापरत असाल तर हे नवीन नियम नक्की लक्षात ठेवा. मोठ्या व्यवहारांसाठी आता UPI अधिक सोपा झाला आहे.