TakeMe2Space : भारत आता जमिनीवरील डेटा सेंटरच्या पुढे जाऊन थेट अंतराळात डेटा सेंटर उभारणार आहे. हैदराबादच्या TakeMe2Space या स्टार्टअपने याची घोषणा केली आहे. 2028 मध्ये भारताचे पहिले नेटवर्क्ड ऑर्बिटल डेटा सेंटर मिशन लाँच होणार आहे आणि त्यासाठी कंपनीने जगातील सर्वात मोठी अवकाश कंपनी SpaceX सोबत करार केला आहे.
TakeMe2Space कंपनी MOI म्हणजेच My Orbital Infrastructure नावाचे दोन सॅटेलाईट अंतराळात पाठवणार आहे. प्रत्येक सॅटेलाईटचे वजन सुमारे 100 किलो असेल. हे दोन सॅटेलाईट एकमेकांशी जोडलेले असतील आणि अंतराळातच डेटा प्रोसेस करतील. सध्या आपण जे फोटो, व्हिडिओ, हवामानाचा डेटा सॅटेलाईटमधून घेतो, तो आधी जमिनीवर येतो आणि मग त्यावर प्रक्रिया होते, यात खूप वेळ जातो. ऑर्बिटल डेटा सेंटरमुळे डेटा थेट अंतराळातच प्रोसेस होईल आणि फक्त लागणारा रिझल्ट जमिनीवर येईल. यामुळे वेळ वाचेल आणि खर्चही कमी होईल.
हे दोन्ही सॅटेलाईट SpaceX च्या Falcon 9 रॉकेटने लाँच केले जाणार आहेत. SpaceX च्या Waymaker 2 या राईडशेअर मिशन अंतर्गत हे लाँचिंग होईल. राईडशेअर म्हणजे एकाच रॉकेटमधून अनेक कंपन्यांचे सॅटेलाईट सोडले जातात, ज्यामुळे खर्च कमी होतो. TakeMe2Space ने यासाठी बुकिंग केले असून 2028 हे वर्ष निश्चित केले आहे. ही भारतीय प्रायव्हेट अंतराळ कंपनीसाठी खूप मोठी गोष्ट आहे, कारण आतापर्यंत अशा प्रकारचे ऑर्बिटल डेटा सेंटर फक्त अमेरिका आणि युरोपमधील काही कंपन्या करत होत्या.
याचे तीन मोठे फायदे भारताला होणार आहेत.
TakeMe2Space ही हैदराबादमधील एक तरुण स्टार्टअप आहे. इस्रोने प्रायव्हेट कंपन्यांसाठी दारे उघडल्यानंतर अशा अनेक स्टार्टअप्स पुढे येत आहेत. 2028 चे हे मिशन यशस्वी झाले तर भारत अंतराळातील डेटा इकॉनॉमीमध्ये पहिला देश ठरेल ज्याने स्वतःचे नेटवर्क्ड ऑर्बिटल डेटा सेंटर तयार केले आहे. हे मिशन फक्त दोन सॅटेलाईटचे नाही, तर भविष्यात 100 पेक्षा जास्त सॅटेलाईटचे जाळे तयार करण्याच्या दिशेने पहिले पाऊल आहे.