SKIN CARE : वयाच्या 30 नंतर अनेक महिला आणि पुरुषांना चेहऱ्यावर बारीक रेषा आणि सुरकुत्या दिसू लागतात. याचे मुख्य कारण त्वचेतील कोलेजन कमी होणे हे आहे. कोलेजन हे एक प्रोटीन आहे जे आपली त्वचा टाइट आणि तरुण ठेवते. वय वाढले की शरीरात त्याचे प्रमाण कमी होते. मग कोलेजन क्रीम लावल्याने फायदा होतो का, असा प्रश्न सगळ्यांना पडतो.
डॉक्टर काय सांगतात, तर बाजारात मिळणारी कोलेजन क्रीम थेट त्वचेत कोलेजन वाढवत नाही. कारण कोलेजनचे रेणू मोठे असतात, ते त्वचेत खोलवर जात नाहीत. पण चांगल्या कोलेजन क्रीममध्ये हायलुरोनिक ऍसिड, रेटिनॉल, विटामिन सी आणि पेप्टाइड्स असतात, जे त्वचेला ओलावा देतात आणि नवीन कोलेजन तयार करण्यास मदत करतात. त्यामुळे त्वचा काही प्रमाणात टाइट दिसते.
जर तुम्हाला क्रीम घ्यायची असेल तर त्यावर हायलुरोनिक ऍसिड, विटामिन सी, नियासिनामाइड असे घटक आहेत का ते पहा. फक्त कोलेजन लिहिले आहे म्हणून घेऊ नका. कोणतेही नवीन क्रीम लावण्यापूर्वी एकदा त्वचारोग तज्ज्ञांचा सल्ला घ्या.
लक्षात ठेवा, एका रात्रीत सुरकुत्या जाणार नाहीत. रोजची काळजी आणि चांगला आहार हाच खरा उपाय आहे.