दिवसभर आपण बाहेर फिरतो, बाईकवर प्रवास करतो, ऑफिसमध्ये जातो. घरी आल्यावर आरशात पाहिले की चेहरा काळा पडलेला, तेलकट झालेला आणि अगदी थकलेला दिसतो. अनेक जणी सकाळीच चेहरा धुतात पण रात्री चेहरा न धुता झोपतात. हिच सवय तुमच्या चेहऱ्याचे सर्वात जास्त नुकसान करते.
आपल्या आजूबाजूला धूळ, धूर आणि प्रदूषण खूप वाढले आहे. बाहेर फिरताना ही बारीक धूळ चेहऱ्यावर चिकटते. त्यासोबतच चेहऱ्यातून निघणारे तेल, घाम आणि लावलेला सनस्क्रीन, पावडर, मेकअप हे सर्व एकत्र येऊन त्वचेचे छिद्र बंद करतात. यामुळेच ब्लॅकहेड्स, पिंपल्स आणि चेहरा काळा पडण्याची समस्या सुरू होते. फक्त पाण्याने धुतल्याने ही घाण निघत नाही.
रात्रीच्या वेळी आपली त्वचा स्वतःला दुरुस्त करत असते. जर चेहरा धुतला नाही तर घाण तशीच राहते आणि त्वचा श्वास घेऊ शकत नाही. चांगल्या फेसवॉशने चेहरा धुतल्याने छिद्रे मोकळी होतात आणि पिंपल्स येणे बंद होते.
धुळीमुळे चेहरा काळा पडतो त्याला टॅनिंग म्हणतात. रात्री फेसवॉशने डीप क्लीन केले तर हा काळेपणा हळूहळू कमी होतो आणि चेहरा उजळ दिसू लागतो.
धूळ आणि प्रदूषणाचे कण त्वचेवर रात्रभर राहिले तर सुरकुत्या लवकर येतात. रात्री चेहरा स्वच्छ केल्याने त्वचा तरुण राहते.
रात्री अनेक जणी नाईट क्रीम लावतात. पण चेहरा घाण असताना क्रीम लावली तर त्याचा काहीच उपयोग होत नाही. स्वच्छ चेहऱ्यावर क्रीम लावली तर ती आतपर्यंत जाते आणि चांगला ग्लो येतो.
पहिल्यांदा हात स्वच्छ धुवा. त्यानंतर कोमट पाण्याने चेहरा ओला करा. थोडासा फेसवॉश हातावर घेऊन हलक्या हाताने गोल गोल फिरवत एक मिनिट मसाज करा. जास्त जोरात घासू नका. त्यानंतर थंड पाण्याने चेहरा धुवा आणि मऊ टॉवेलने टिपून घ्या. त्यानंतर लगेच मॉइश्चरायझर लावा.
प्रत्येक त्वचेसाठी वेगळा फेसवॉश असतो. तेलकट त्वचा असेल तर सॅलिसिलिक ऍसिड असलेला फेसवॉश वापरा. कोरडी त्वचा असेल तर क्रीमी फेसवॉश वापरा. जर संवेदनशील त्वचा असेल तर सुगंध नसलेला सौम्य फेसवॉश वापरा. दिवसातून दोनदाच फेसवॉश वापरा, जास्त वापरल्याने त्वचा कोरडी पडते.
बाहेरून आल्यावर कधीही थेट फेसवॉश वापरू नका. आधी साध्या पाण्याने चेहरा धुवा आणि पाच मिनिटांनी फेसवॉश वापरा. तसेच आठवड्यातून दोनदा स्क्रब केल्याने मृत पेशी निघून जातात. लक्षात ठेवा, सकाळी चेहरा धुणे म्हणजे दिवसाची तयारी आहे आणि रात्री चेहरा धुणे म्हणजे त्वचेची काळजी आहे. फक्त दोन मिनिटे दिली तर चेहरा काळा पडणार नाही आणि नैसर्गिक चमक कायम राहील.
डिस्क्लेमर - हा लेख सामान्य माहितीवर आधारित आहे. त्वचेची काही गंभीर समस्या असल्यास त्वचारोग तज्ज्ञांचा सल्ला घ्यावा.