मुंबई : भारतीय ग्राहकांमध्ये सात सीटर कारची मागणी सतत वाढत आहे. या सेगमेंटमध्ये मारुति सुझुकी एर्टिगा, रेनॉल्ट ट्रायबर आणि टोयोटा इनोव्हा सारख्या एमपीव्ही खूप लोकप्रिय आहेत. असे असताना रेनॉल्टदेखील ट्रायबर फेसलिफ्ट हे नवे मॉडेल लवकरच बाजारात आणणार आहे.
रेनॉल्ट देशातील सर्वात स्वस्त सात सीटर ट्रायबरचे अपडेटेड व्हर्जन लाँच करण्याची तयारी करत आहे. अलीकडेच रेनॉल्ट ट्रायबर फेसलिफ्ट पहिल्यांदाच टेस्टिंग दरम्यान दिसली आहे. टेस्टिंग दरम्यान समोर आलेल्या फोटोंमध्ये, नवीन ट्रायबरच्या टेल-लॅम्प, बूट लिड आणि मागील बंपरची डिझाइन सध्याच्या ट्रायबरपेक्षा फारशी वेगळी दिसत नाही. बाजूला, ट्रायबरचा क्रीज आणि विंडो लाईन किंक तसाच आहे. तथापि, फोटोंमध्ये फ्रंट पार्ट झाकलेला आहे.
ट्रायबर कारमध्ये प्रोजेक्टर हॅलोजन हेडलाइट्स आणि हॅलोजन टेललाइट्स देण्यात आल्या आहेत. रेनॉल्ट कारच्या केबिनमध्ये 8-इंचाची टचस्क्रीन इन्फोटेनमेंट सिस्टम, सात इंचाचा डिजिटल ड्रायव्हर डिस्प्ले आणि वायरलेस फोन चार्जर सारखे फीचर्स आहेत. यात स्टीअरिंग माउंटेड कंट्रोल्स, इलेक्ट्रिकली ॲडजस्टेबल आणि पुश बटण स्टार्ट-स्टॉप सारख्या फीचर्सचा समावेश आहे. रेनॉल्ट ट्रायबरची अद्याप क्रॅश टेस्टिंग झालेली नाही. तथापि, ग्लोबल एनसीएपीच्या जुन्या सेफ्टी प्रोटोकॉलवर त्याची क्रॅश टेस्टिंग घेण्यात आली, ज्यामध्ये या कारला 5 पैकी 4 स्टार सेफ्टी रेटिंग मिळाले. ग्लोबल एनसीएपीच्या नवीन प्रोटोकॉल अंतर्गत ट्रायबरची पुन्हा टेस्टिंग घेण्यात आली आहे.