पुणे : ज्यांना ड्रायव्हिंग लायसन्स काढायचे आहे किंवा इतर RTO ची कामे करायची आहेत त्यांच्यासाठी आनंदाची बातमी आहे. पुण्याच्या प्रादेशिक परिवहन कार्यालयाकडून ऑगस्ट महिन्यात 7 ठिकाणी शिबीर दौऱ्याचे आयोजन करण्यात आले आहे. गावापर्यंत सुविधा पोहोचावी यासाठी RTO आता थेट तुमच्या भागात येणार आहे.
ऑगस्ट 2026 मध्ये खालील 7 ठिकाणी 1 ते 31 ऑगस्ट या कालावधीत शिबीर भरवले जाणार आहे.
भोर
सासवड
उरुळीकांचन
पिरंगुट
जेजुरी
शिक्रापूर
शिरूर
या शिबिरात नवीन पक्की ड्रायव्हिंग लायसन्सची चाचणी घेतली जाईल. त्याचबरोबर लर्निंग लायसन्स, पत्ता बदल, डुप्लिकेट RC यासारखी इतर परिवहन विषयक कामे देखील करता येतील.
गेल्या महिन्यात अपॉइंटमेंट बुकिंगच्या वेबसाईटमध्ये काही तांत्रिक अडचण होती. ती आता NIC कडून दुरुस्त करण्यात आली आहे. ऑगस्ट महिन्यातील सर्व शिबिरांसाठी अपॉइंटमेंट बुकिंग 30 जुलै 2026 रोजी सायंकाळी 5.30 वाजल्यापासून सुरू होणार आहे.
1. अपॉइंटमेंटशिवाय प्रवेश मिळणार नाही. त्यामुळे आधी ऑनलाइन स्लॉट बुक करा.
2. RTO च्या अधिकृत वेबसाईटवर जाऊन आपल्याला सोयीचे गाव आणि तारीख निवडा.
3. अपॉइंटमेंट घेतल्यानंतर दिलेल्या तारखेला सर्व आवश्यक कागदपत्रांसह शिबीरस्थळी वेळेवर हजर रहा.
उप प्रादेशिक परिवहन अधिकारी यांनी नागरिकांना आवाहन केले आहे की, गर्दी टाळण्यासाठी आणि वेळेत काम होण्यासाठी लवकरात लवकर अपॉइंटमेंट बुक करा. गावापर्यंत RTO ची सेवा आल्याने आता पुणे शहरात जाण्याची गरज नाही. त्यामुळे या संधीचा फायदा घ्या.