पुणे रेल्वे प्रवाशांसाठी एक अत्यंत महत्त्वाची बातमी आहे. मध्य रेल्वेच्या पुणे विभागातर्फे पुणे यार्ड (पुणे-दौंड विभाग) येथे रविवार, २ ऑगस्ट रोजी सकाळी ८ ते संध्याकाळी ५ वाजेपर्यंत नऊ तासांचा विशेष वाहतूक आणि पॉवर ब्लॉक घेण्यात येणार आहे. या ९ तासांच्या ब्लॉकमुळे पुणे रेल्वे स्थानकावरून धावणाऱ्या उपनगरीय (लोकल), एक्सप्रेस आणि DEMU सेवा विस्कळित होणार असून अनेक गाड्या रद्द किंवा शॉर्ट-टर्मिनेट करण्यात आल्या आहेत.
वाहतुकीवरील निर्बंध आणि परिणाम
या विशेष तांत्रिक ब्लॉकदरम्यान, प्लॅटफॉर्म क्रमांक १, पुणे यार्डकडे जाणारी 'अप' (UP) मुख्य मार्गिका तसेच मार्गिका क्रमांक १ ते ६ यांवरून गाड्यांची ये-जा पूर्णपणे बंद राहील. रेल्वे प्रशासनाने दिलेल्या माहितीनुसार, या पायाभूत सुविधांच्या आणि सुरक्षेच्या कामांमुळे ७ गाड्या रद्द करण्यात आल्या आहेत, तर ७ गाड्या शॉर्ट-टर्मिनेट (आधीच थांबवणे) आणि ४ गाड्या शॉर्ट-ओरिजिनेट (दुसऱ्या स्टेशनवरून सोडणे) केल्या जातील. यात प्रामुख्याने पुणे-लोणावळा लोकल, पुणे-तळेगाव लोकल आणि डेक्कन एक्स्प्रेस यांसारख्या महत्त्वाच्या गाड्यांच्या वेळापत्रकात मोठे बदल झाले आहेत. काही एक्सप्रेस गाड्या पुण्याऐवजी हडपसर, शिवाजीनगर किंवा खडकी स्थानकावरून सोडल्या जातील.
२ ऑगस्ट रोजी खालील गाड्या रद्द करण्यात आल्या आहेत:
निर्धारित स्थानकाआधीच प्रवास संपणाऱ्या गाड्या| (Short Terminate Trains)
पुणे स्थानकाऐवजी इतर स्थानकांवरून सुटणाऱ्या गाड्या (Short Originate)
रेल्वे प्रशासनाचे प्रवाशांना आवाहन
या ब्लॉकच्या काळात इलेक्ट्रिक, सिग्नल, दूरसंचार आणि ओव्हरहेड वायरशी संबंधित अत्यंत महत्त्वाची कामे पूर्ण केली जाणार आहेत. रविवारी सुट्टीच्या दिवशी प्रवास करणाऱ्या चाकरमान्यांची आणि प्रवाशांची गैरसोय टाळण्यासाठी रेल्वेने आधीच हे नियोजन केले आहे. प्रवाशांनी घरून निघण्यापूर्वी आपल्या गाडीची सद्यस्थिती तपासून घ्यावी. सुधारित वेळापत्रकाची अधिकृत माहिती घेण्यासाठी प्रवाशांनी National Train Enquiry System (NTES) App किंवा रेल्वेच्या अधिकृत चौकशी पोर्टलचा वापर करावा, असे आवाहन रेल्वे प्रशासनातर्फे करण्यात आले आहे.