पुणे : आज पुण्यात गणेश विसर्जनाचा मुख्य दिवस आहे. पुण्याचे वैशिष्ट्य म्हणजे येथील पाच मानाचे गणपती. याच पाच मानाच्या गणपतींच्या क्रमाने संपूर्ण पुण्याचे विसर्जन होते. ही परंपरा शेकडो वर्षांपासून चालत आली आहे. यंदा पुणे पोलिसांनी विसर्जन वेळापत्रक सकाळी लवकर सुरू केले आहे जेणेकरून गर्दीचा ताण कमी होईल.
पुण्यात मानाच्या गणपतींना खूप महत्त्व आहे. हे पाच गणपती ठरलेल्या क्रमानेच विसर्जनासाठी निघतात. या क्रमात कधीही बदल होत नाही.
कसबा गणपती हा पुण्याचा ग्रामदैवत आहे. हा मानाचा पहिला गणपती मानला जातो. त्याची मिरवणूक सर्वात आधी निघते. हा गणपती चांदीच्या पालखीतून नेला जातो.
तांबडी जोगेश्वरी हा मानाचा दुसरा गणपती आहे. हा कसबा गणपती नंतर निघतो.
गुरुजी तालीम हा मानाचा तिसरा गणपती आहे. हा गणपती सूर्य रथावरून नेला जातो.
तुळशीबाग गणपती हा मानाचा चौथा गणपती आहे. हा 32 फूट उंच अशा जगन्नाथ पुरीच्या रथातून निघतो.
केसरीवाडा गणपती हा मानाचा पाचवा गणपती आहे. लोकमान्य टिळकांनी हा गणपती सुरू केला होता.
पुणे पोलिसांनी दिलेल्या माहितीनुसार आजचे वेळापत्रक असे आहे.