'आपण Instagram वरील प्रसिद्ध कपल आहोत,' … फ्रान्समधील एव्हियन-लेस-बेन्स येथे पार पडलेल्या G7 शिखर परिषदेत इटलीच्या पंतप्रधान जॉर्जिया मेलोनी आणि भारताचे पंतप्रधान नरेंद्र मोदी यांच्यात झालेला हा मजेशीर आणि हलका-फुलका संवाद सध्या सोशल मीडियावर प्रचंड व्हायरल होत आहे. यामुळे पंतप्रधान नरेंद्र मोदी आणि इटलीच्या पंतप्रधान जॉर्जिया मेलोनी पुन्हा एकदा सोशल मीडियावर चर्चेत आहेत.
दोन्ही नेत्यांच्या चाहत्यांनी सोशल मीडियावर त्यांच्या नावांचे एकत्रीकरण करून (Meloni + Modi) 'मेलोडी' हा हॅशटॅग प्रचंड लोकप्रिय केला आहे, ज्याचा संदर्भ मेलोनी यांनी या संवादात घेतला. मागच्या वेळी नरेंद्र मोदींनी मेलोनी यांना 'मेलोडी' चॉकलेट दिल्याने दोन्ही नेते सोशल मीडियावर ट्रेंड झाले होते.
G7 परिषदेसाठी दोन्ही नेते एकत्र आले होते. जागतिक स्तरावरील महत्त्वाच्या मुद्द्यांवर चर्चा करण्यासाठी या आठवड्यात फ्रान्समधील 'एव्हियन-ले-बेन्स' (Evian-les-Bains) येथे हे नेते एकत्र आले असताना नरेंद्र मोदी आणि मेलोनी यांचीही भेट झाली.
या परिषदेच्या अवघ्या एक महिना आधी (मे २०२६ मध्ये), पंतप्रधान मोदींनी आपल्या रोम दौऱ्यात जॉर्जिया मेलोनी यांना भारताची प्रसिद्ध 'पार्ले मेलोडी' (Parle's Melody) टॉफी भेट दिली होती. मेलोनी यांनी त्याचा व्हिडिओ शेअर केल्यानंतर त्याला इन्स्टाग्रामवर करोडो व्ह्यूज मिळाले होते, ज्यामुळे या ताज्या संवादाला सोशल मीडियावर अधिकच पसंती मिळाली.